web counter
LEXO PA REKLAMA!

SHKARKO APP

App Store
Google Play

Ndalohet qarkullimi në aksin Librazhd-Pogradec/ Apeli i ARRSH-së për shoferët

21 Shkurt 2026, 15:11, Aktualitet CNA

 Ndalohet qarkullimi në aksin Librazhd-Pogradec/ Apeli i ARRSH-së

Autoriteti Rrugor Shqiptar ka njoftuar se qarkullimi në aksin rrugor Librazhd-Pogradec do të ndalohet.

ARRSH bën me dije se vendimi është marrë për arsye sigurie, ndërkohë që po merren masat për të ndërtuar një bypass provizor për sigurinë e qytetarëve dhe mjeteve.

Në njoftim u bëhet thirrje drejtuesve të automjeteve të shmangin këtë aks dhe të përdorin rrugën alternative Maliq-Lozhan-Moglic-Gramsh-Elbasan deri në stabilizimin e plotë të situatës.

Njoftimi i plotë:

Në aksin Librazhd-Pogradec vendi i quajtur Arrat e Gurrës, pas vlerësimit në terren, Autoriteti Rrugor Shqiptar, në koordinim me Policinë e Shtetit, për arsye sigurie njofton se:

Do të ndalohet qarkullimi i të gjitha mjeteve në këtë segment.

Ndërkohë nga ana e ARRSH po merren masat e nevojshme për të ndërtuar menjëherë një bypass provizor për sigurinë e qytetarëve dhe mjeteve.

U bëjmë thirrje drejtuesve të mjeteve të shmangin këtë aks, ndërkohë që përdoruesit e autoveturave të përdorin rrugën alternative Maliq-Lozhan- Moglic-Gramsh- Elbasan deri në stabilizimin e plotë të situatës.

Kërkojmë mirëkuptimin e të gjithë përdoruesve të rrugës. Çdo masë e marrë ka si qëllim të vetëm garantimin e sigurisë së jetës dhe parandalimin e incidenteve të mundshme. /CNA





Lajmet e fundit nga