web counter
LEXO PA REKLAMA!

SHKARKO APP

App Store
Google Play

E fundit!

x

Bllokimi i qarkullimit në juglindje/ Qytetarët të irrituar: Me orë të tëra në makinë, po ngelim rrugëve

21 Shkurt 2026, 19:50, Aktualitet CNA

Bllokimi i qarkullimit në juglindje/ Qytetarët të irrituar: Me

Radhët kilometrike të krijuara në zonën e juglindjes pas bllokimit të aksit rrugor Librazhd-Pogradec kanë krijuar shqetësim për qytetarët.

Disa prej tyre, në një prononcim lidhur me situatën, tregojnë se kanë mbetur të mbyllur brenda automjeteve të tyre prej disa orësh, pa gjetur ende zgjidhje.

"Sot ka qenë një katastrofë e vërtetë. U kthyhem nga Qukësi, policia na tha të ndjekim rrugën për në Lozhan. Aty ishte bllokuar dhe tani s’dimë nga të ikim. Kam që në orën 1 në Qukës, tani po shkon ora 7 dhe nuk e dimë ku po ikim",-tregon një qytetar.

Po ashtu, qytetarët shprehen se ky bllokim po i pamundëson udhëtimin drejt kryeqytetit.

"Nuk ka rrugë të ikësh në shtëpi. Çfarë është kjo që po ndodh. Dua të iki në Tiranë. Të mos shkoj dot unë? Janë të gjitha rrugët e bllokuara. Më thoni ju ku të vete. Nuk mundem!",-thotë një nga qytetarët.

Aktualisht, shërbimet e Policisë Rrugore janë vendosur në pikat: Kryqëzimi Qafë Thanë, Kryqëzimi Qafë Plloçë dhe Kryqëzimi i Maliqit, ku po orientojnë drejtuesit e mjeteve.

Ndërsa qarkullimi për mjetet deri në 3.5 tonë do të devijohet në aksin Maliq–Lozhan–Moglicë –Gramsh, në drejtim të Tiranës dhe anasjelltas./CNA





Lajmet e fundit nga