web counter
LEXO PA REKLAMA!

SHKARKO APP

App Store
Google Play

E fundit!

x

Xhaçka i përgjigjet Athinës për deklaratat e arrestimit të Belerit/ Mos krijoni presione dhe mesazhe përçarëse

12 Maj 2023, 15:07, Aktualitet CNA

Xhaçka i përgjigjet Athinës për deklaratat e arrestimit

Ministrja e Jashtme, Olta Xhaçka, ka reaguar pas deklaratave të kryeministrit grek Kuriakos Mitsotakis për arrestimin e kandidatit të koalicionit “Bashkë Fitojmë”, Fredi Beleri.

Xhaçka, nëpërmjet një statusi në "Twitter" i ka kërkuar palës greke që të monitorojë nga afër zhvillimin dhe ecurinë e kësaj çështjeje duke i ka bërë thirrje që të lënë drejtësinë shqiptare që të kryejë punën e saj pa presione dhe mesazhe përçarëse.

“Blerja e votës është një shkelje e rëndë në legjislacionin tonë dhe të gjitha institucionet e zbatimit të ligjit kanë prioritet luftimin e saj gjatë kohës së zgjedhjeve. Kjo vlen për të gjithë qytetarët e Republikës së Shqipërisë, përfshirë vëllezërit dhe motrat e minoritetit grek që marrin pjesë në zgjedhjet tona.

Kandidatura e shtetasit shqiptar, Alfred Beleri që kandidon për zgjedhje nga bashkëqytetarët e tij, nuk kërkon ndonjë trajtim të veçantë. Ai është i barabartë para ligjit si kushdo tjetër. I takon vetëm prokurorëve dhe gjyqtarëve që ta trajtojnë këtë çështje në përputhje me provat.

Me respekt, u kërkojmë miqve tanë grekë në Athinë që të monitorojnë nga afër e me durim zhvillimin e çështjes, duke lejuar drejtësinë shqiptare të kryejë punën e saj, pa presione të jashtme apo mesazhe përçarëse. Është mirë të mbajmë të informuar Brukselin, por duhet të presim edhe shfaqjen e fakteve”, shkruan ajo./CNA.al





Lajmet e fundit nga