web counter
LEXO PA REKLAMA!

SHKARKO APP

App Store
Google Play

Arrestimi i Belerit/ Mitsotakis, me tone të ashpra: Të mbrohen të drejtat e pakicës greke

12 Maj 2023, 13:27, Aktualitet CNA
Arrestimi i Belerit/ Mitsotakis, me tone të ashpra: Të mbrohen të
Kryeministri i Greqisë, Kyriakos Mitsotakis

Kryeministri i Greqisë, Kyriakos Mitsotakis, ka folur për arrestimin e Fredi Belerit.

Në reagimin e tij Mitsotakis, kërkon lirimin e Belerit dhe të personave të tjerë të arrestuar.

Ndër  të tjera, nënvizon se nëse Shqipëria dëshiron të afrohet me Bashkimin Evropian, ka detyrimin të sigurojë zgjedhje të lira dhe të ndershme.

“Më lejoni këtu të hap një parantezë dhe të them diçka për një ngjarje jashtëzakonisht të pakëndshme që ndodhi në Shqipërinë fqinje, mëngjesin e sotëm, ku fatkeqësisht u arrestua kandidati për kryetar të Bashkisë së Himarës dhe anëtarit të Minoritetit Kombëtar grek, Fredi Beleri.

Dua, këtu nga Lesbos, t'i dërgoj një mesazh mikut tim, Shqipërisë. Greqia nuk do të pranojë sundimin e ligjit mbi të drejtat e pakicës kombëtare greke.

Nëse Shqipëria dëshiron të afrohet me Bashkimin Evropian, ka detyrimin të sigurojë zgjedhje të lira dhe të ndershme bashkiake dhe të lirojë menjëherë ata që ka burgosur, në mënyrë që ata të marrin pjesë në procesin zgjedhor”, është shprehur ndër të tjera Mitsotakis./ CNA.al





Lajmet e fundit nga