web counter
LEXO PA REKLAMA!

SHKARKO APP

App Store
Google Play

E fundit!

x

Vijon edhe këtë të shtunë magjia e “Festës së Birrës”/ Nata e katërt, live në CNA TV

17 Gusht 2024, 22:23, Aktualitet CNA
Vijon edhe këtë të shtunë magjia e “Festës
Festa e Birrës, Korçë

Vijon edhe këtë mbrëmje nata e katërt e magjisë së "Festës së Birrës" në Korçë, e cila do të transmetohet live në CNA TV.( linkun mund ta gjeni këtu)

Për tre netë me radhë pjesmarrja e qytetarëve në këtë festë, e cila prej vitesh tashmë e kthyer në traditë në qytetin Jug-Lindor të vendit, ka qenë shumë e lartë. Ndërkohë që nuk kanë munguar edhe turistët e shumtë të cilët vizitojnë qytetin e Korçës.

Sonte në natën e katërt të kësaj feste, do të jenë artistët Alban Skënderaj, Eleftheria Eleftheriou dhe Offchestra, të cilët me performancën e tyre, pritet të të elektrizojnë të pranishmit ku duken se janë të shumtë.

Në natën e parë performuan në skenën madhështore të improvizuar në terminalin e autobuzave të qytetit , Xheisara Frisku, vëllezërit korçarë Endri dhe Stefi Prifti dhe këngëtarja greke, Kelly Kelekidou.

Ndërsa në natën e dytë u ngjitën në skenë Rezarta Smaja, Devis Xherahu dhe këngëtari shumë i dashur grek, Kostandinos Koufos.

Luiz Ejlli, Fifi, Xhesika Polo dhe Niko DJ, ishin artistët të cilërt performuan në natën e tretë të kësaj feste.

Me muzikë të mirë, ushqim të shijshëm dhe birra të freskëta të disa markave, qytetarët do të kalojnë një tjetër natë magjike.

Festa e Birrës do të vijojë edhe mbrëmjen e së dielës, me performancën e shumë artistëve të tjerë./ CNA





Lajmet e fundit nga