E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Vendimi i qeverisë për Iranin/ Jorida Tabaku: Siguria kombëtare ka mbetur në duart e patronazhistëve

7 Shtator 2022, 14:39, Aktualitet CNA

Vendimi i qeverisë për Iranin/ Jorida Tabaku: Siguria kombëtare

Deputetja demokrate, Jorida Tabaku, ka reaguar pas vendimit të qeverisë për ndërprerjen e marrëdhënieve me Iranin, shtet, i cili fshihej pas sulmeve kibernetike që iu bënë Shqipërisë korrikun e vitit të kaluar.

Tabaku kërkon që provat të paraqiten në parlament dhe se Komisioni i Sigurisë duhet ta marrë shumë seriozisht këtë çështje, për të rritur sigurinë në vend.

Reagimi i plotë:

Sulmi kibernetik që goditi vendin gjatë verës është një mesazh i qartë dhe tregues i vulnerabilitetit tonë dhe njëkohësisht vuri në provë sigurinë tonë kombëtare.

Miliona dollarë janë shpenzuar nga buxheti për sigurinë kibernetike nga AKSH ndërsa rezultatet lënë për të dëshiruar.

A duhet të kishim dikë përgjegjës?

Provat e reja të bëra publike duhet t’i raportohen Parlamentit dhe veçanërisht Komisionit të Sigurisë.

Për më tej masat duhet të merren nga qeveria për të rritur sigurinë kibernetike, masa serioze jo të ngjashme me prokurimet që sollën këtë situatë.

Në epokën e digjitalizimit një vend i NATO nuk mund të tolerojë në raste të ngjashme që rrezikojnë sigurinë kombëtare.

Fatkeqësisht sulme të tilla vijnë edhe si pasojë e një kulture të mbrapshtë që partia/shtet ka instaluar.

Shqiptarët janë viktima të daljes së të dhënave personale të rrogave, targave të makinës dhe preferencave politike për interesa elektorale.

Papërgjegjshmëri të tilla e lehtësojnë punën e hakerave që jo rrallë kanë dhe ndihmën e një qeverie të papërgjegjshme dhe korrupte. Duke na rrezikuar dyfish sigurinë kombëtare që ka mbetur në duart e patronazhistëve!/ CNA.al