web counter
LEXO PA REKLAMA!

SHKARKO APP

App Store
Google Play

14 kriminelë i ikën Gledis Nanos/ Paralajmëron Bledi Çuçi: Do të nisim hetimet!

7 Shtator 2022, 12:51, Aktualitet CNA

14 kriminelë i ikën Gledis Nanos/ Paralajmëron Bledi

Ministri Bledi Çuçi doli në një konferencë për mediat ku njoftoi se Muhamet Rrumbullaku do të jetë në krye të policisë së shtetit, prezantimi i tij do të bëhet në orën 18:00 sot.

I pyetur lidhur me intervistën e dhënë nga Gledis Nano, për median franceze ku deklaroi se 14 operacionet kanë dështuar si pasojë e rrjedhjes së informacionit. Çuçi u shpreh se këto raste do të hetohen.

“Detyra e tij ishte të pastronte radhët e policisë së shtetit nga personat që nuk kryejnë detyrën. Sa për fjalën e zotit Nano, ne do ta hetojmë më tej këtë dhe do t’i shkojmë deri në fund të vërtetës. Qëllim kryesor do të jetë kapja e kujtdo që dekonspiron operacionet policore”.

Rikujtojmë se Gledis Nano, ish-drejtori i përgjithshëm i policisë, në reportazhin “Hetime Ekskluzive” për kanalin francez "Metropole", ka thënë se gjatë kohës që ishte në detyrë, 14 kriminelë janë arratisur për shkak se ishin të informuar për operacionin.

Përpara se të shkarkohej nga posti, Nano shpjegoi se përse kanë dështuar operacionet e policisë së shtetit në kapjen e personave në kërkim apo atyre që kanë qenë autorë të ngjarjeve kriminale të kohëve të fundit.

“Ka pasur rrjedhje të informacionit, mund të ketë ardhur nga vetë ata që kanë kryer investigimin ose nga ekipet operacionale”, ka thënë Nano në dokumentar duke shtuar se nuk dihej nga cilët persona vinte ky dekonspirim./ CNA.al

 





Lajmet e fundit nga