web counter
LEXO PA REKLAMA!

SHKARKO APP

App Store
Google Play

Incidenti në Gramsh/ Vishaj: Klienti im pretendon se është bloger

6 Shtator 2022, 23:04, Aktualitet CNA
Incidenti në Gramsh/ Vishaj: Klienti im pretendon se është bloger
Saimir Vishaj, avokat

Avokati Saimir Vishaj, i ftuar në emisionin “Opinion”, është shprehur se dy rusët dhe ukrainasi, të cilët u kapën në uzinën ushtarake në Gramsh janë të apasionuar që të fotografojnë vendet postkomuniste.

Vishaj tha se klienti i tij pretendon se është bloger dhe se ka ardhur në Shqipëri ashtu si? ka vizituar edhe më parë vende të periudhës postkomuniste.

Pjesë nga biseda në studio

Saimir Visha: Unë po ju them se janë sot të traumatizuar.

Blendi Fevziu: Çfarë pretendon klienti yt?

Saimir Visha: Jam bloger pretendon klienti dhe në Shqipëri kam ardhur siç kam ardhur në shumë vende të botës postkomuniste. Ata janë të apasionuar që të fotografojnë vendet postkomuniste. Ata i ka bashkuar i vetmi hobi që kanë. Në lidhje me Mikaelin, është marrë në kundërshtim me të gjitha procedurat, nuk ka pasur asnjë përkthyes. Është trembur sepse ulërimat e rojes ndal dhe mos lëviz nuk kanë qenë të kuptueshme për Mikaelin.

Para hetuesve tre të arrestuarit kanë mohuar se po kryenin aktivitet spiunazhi duke u deklaruar si fotografë eksplorues në kërkim të vendeve historike dhe ushtarake. Deklarimet e dhëna mbështeten edhe nga aktiviteti i postuar në rrjetet e tyre sociale.

Megjithatë, për hetuesit që dyshojnë se ata janë pjesë e agjenturave të huaja pretendimet e tyre nuk janë të besueshëm, kjo për shkak të agresivitetit të treguar në përplasjen me ushtarët dhe mosbindjes së urdhrit të dhënë nga ata./ CNA.al





Lajmet e fundit nga