web counter
LEXO PA REKLAMA!

SHKARKO APP

App Store
Google Play

CNA e paralajmëroi/ Çuçi njofton emërimin e drejtorit të ri të policisë

7 Shtator 2022, 12:45, Aktualitet CNA

CNA e paralajmëroi/ Çuçi njofton emërimin e drejtorit

Ministri i Brendshëm, Bledi Çuçi, ka njoftuar se në orën 16:00 në një mbledhje me drejtorët e policisë në qarqe dhe drejtorët e departamenteve do të prezantojë drejtorin e ri të policisë.

Ashtu siç ka paralajmëruar më herët CNA.al, në vend të Gledis Nanos do të emërohet Muhamet Rrumbullaku.

“Sot këshilli i ministrave të policisë së shtetit që ka mbajtur shumë detyra, i vlerësuar në çdo pozicion që ka qenë dhe i vlerësuar edhe në pozicionin që ka mbajtur, është drejtori që reformoi agjencinë dhe rezultatet e Reformës po ndihen. Zoti Rrumbullaku mban gradën e drejtuesit të parë dhe plotëson kushtet për të qenë drejtori i përgjithshëm i policisë së shtetit. Në orën 16: 00 do të bëjmë një prezantim të gjerë të zotit Rrumbullaku, por ashtu edhe të drejtoreshë së re të IKMT-së”, ka thënë Çuçi.

Kush është Muhamet Rrumbullaku?

Muhamet Rrumbullaku është diplomuar “Specialist i Lartë Policie” në vitin 1988 pranë Akademisë së Policisë, në Fakultetin e Drejtësisë, Tiranë, dhe ka marrë titullin Jurist në vitin 2010.

Rrumullaku ka ndjekur disa trajnime, certifikuar në Shqipëri, Shtetet e Bashkuara të Amerikës dhe Hungari.

Nga viti 2019 deri më 2022 ka mbajtur postin e drejtorit të përgjithshëm të shërbimit për Çështjet e Brendshme dhe Ankesat në Ministrinë e Brendshme.

Prej 24 marsit të këtij viti, ai mbante postin e drejtorit të Mbikëqyrjes Policore, të cilin e dorëzoi disa ditë më parë dhe aktualisht mbahet nga Ardi Veliu./CNA.al





Lajmet e fundit nga