Udhëtimi në Pragë/ Meta prezantoi Ismailajn si pjesë të delegacionit të tij në vizitën zyrtare

22 Tetor 2024, 18:40, Aktualitet CNA

Udhëtimi në Pragë/ Meta prezantoi Ismailajn si pjesë të

Të tjera detaje janë zbardhur nga dosja e SPAK-ut për kryetarin e Partisë së Lirisë, Ilir Meta, lidhur me çështjen ÇEZ-DIA.

Meta, gjatë kohës që ka qenë ministër i Energjitikës dyshohet se ka ndikuar në procesin e përzgjedhjes së DIA-s për të kryer shërbimet e mbledhjes së borxheve të CEZ-it.

Gjithashtu, Prokuroria e Posaçme ngre akuzat se kreu i PL-së ka marrë para nga Kastriot Ismailaj, ish-administratori i kompanisë DIA.

Në dosje përmendet një tjetër fakt. Meta, në një vizitë zyrtare në Pragë, në vitin 2010, ka marrë me vete Kastriot Ismailajn si pjesë të delegacionit.

“Shkresa Nr. 606/10 prot., datë 18 Nëntor 2010, e Ambasadës së Republikës së Shqipërisë në Pragë drejtuar Ministrisë së Industrisë dhe Tregtisë së Republikës Çeke, Departamentit të Marrëdhënieve me Jashtë me këtë përmbajtje "The Embassy of the Republic of Albania in Prague presents its compliment to Foreign Relations Department of the Ministry of Indystry and Trade of the Czech Republik and has the honor to inform that The Minister of Economy, Trade and Energy of the Republik of Albania, H.E. Mr. Ilir Meta will be in Prague from 28 November 2010 up to 30 November in the evening in a ëorking visit with General Director of CEZ. He is suposed to meet with Your Minister on 29 November, al. 11:00 h in Your Ministry and on 30 November he has a metting in the Ministry of Foreign Affairs. Ëith him ëill be the Ambassador, Mr. Ilir Ciko, Mr. Majlind Lazimi his aide Kastriot Ismailaj. MA

Pra, sipas kësaj shkrese, shtetasin Ilir Meta, në këtë vizitë, do ta shoqëronin Ambasadori i Republikës së Shqipërisë në Pragë Qazim Tepshi, Ilir Ciko, Majlind Lazimi dhe Kastriot Ismaili si ndihmësi i tij (his aide)”, thuhet në dosje.

Udhëtimi në Pragë/ Meta prezantoi Ismailajn si pjesë të

Pjesë nga dosja e SPAK-ut

Gjithashtu, Prokuria e Posaçme thekson faktin se Meta ka udhëtuar me të njejtin avion me Ismailajn dhe ky i fundit ka hyrë dhe ka dalë nga zona “VIP”, pa patur asnjë lloj posti zyrtar publik.

“Shtetasi Kastriot Ismailaj nuk ka patur asnjë lloj posti zyrtar publik në këtë kohë, nuk ka qënë as këshilltar e as ndihmës i asnjë ministri, ndërkohë sipas kësaj shkrese, është prezantuar pranë autoriteteve Çeke si pjesë e delegacionit që do të shoqëronte shtetasin Ilir Meta gjatë vizitës së tij atje, sipas vetë shkresës së Ambasadës Shqiptare në Pragë.

Sa mësipër, organi i akuzës ka arritur në përfundimin se gjatë takimeve me përfaqësuesit CEZ në Pragë të shtetasit Ilir Meta, ka qënë i pranishëm edhe shtetasi Kastriot Ismailai. Ky fakt mbështetet edhe nga provat e tjera. Këshhi, nga të dhënat e TIMS rezulton se:

me datë 29.11.2010, me linjën Ajrore Austria Airlines OS847/848, ora 13:43 kanë dalë nga RSH si shtetasi Kastriot Ismailaj, ashtu edhe Ilir Rexhep Metaj.

Udhëtimi në Pragë/ Meta prezantoi Ismailajn si pjesë të

Më datë 02 Dhjetor 2010, me linjën ajore "Malev MA432/433" Budapest, kanë hyrë në aeroportin e Rinasit shtetasit Kastriot Ismailaj, Ilir Rexhep Metaj dhe Josef Hejsek.

Një e dhënë tjetër që mbështet këto dyshime është fakti se në dalje dhe në hyrje në Aeroportin e Rinasit, këta dy shtetas (Ilir Metaj dhe Kastriot Ismallaj) janë përpunuar nga i njëjti punonjës i policisë kufitare të Komisariatit Rinas, i cili ka mbuluar me shërbim me turne Zonën Vip, (kahim përgjigja nr. 1933/1 Prot. datë 27 Tetor 2023 nga Komisariati i Policisë Kufitare Aeroporti Rinas).

Pra, shtetasit Ilir Metaj dhe Kastriot Ismailaj kanë hyrë dhe dalë nga pika e kalimit kufitar Rinas, në të njëjtën datë dhe orë, në zonën "VIP" e cila është e destinuar vetëm për personalitete.

Nga të gjitha këto të dhëna, sipas organit të akuzës arrihet në konkluzionin se udhëtimi i përbashkët me të njëjtën linjë ajrore i shtetasit Ilir Meta me shtetasin Kastriot Ismailaj, nuk ka qënë aspak rastësi, por i planifikuar, ku rol në këtë planifikim ka patur edhe Ambasadori Shqiptar në Pragë, shtetasi Qazim Tepshi (shkresa e firmosur nga ai Nr. 606/10 prot.. datë 18 Nemor 2010)”, nënvizon SPAK-u./ CNA