web counter
LEXO PA REKLAMA!

SHKARKO APP

App Store
Google Play

E fundit!

x

Impiantet për trajtimin e ujërave të zeza/ Bizneset e Pogradecit kundërshtojnë aktin normativ

22 Tetor 2024, 18:20, Aktualitet CNA

Ditën e sotme, sipërmarrësit e biznesit në Pogradec janë mbledhur në takimin e tretë për të kundërshtuar aktin normativ, që i detyron këta të fundit të vendosin impiantet e ujrave të zeza për subjektet e hoteleri-turizmit.

Ata arsyetojnë se përgjatë vijës së liqenit të Pogradecit është kryer investimi për shtrimin e rrjetit të ujrave të zeza, ndërsa i gjithë qyteti prej disa vitesh i përpunon ujërat e zeza në kolektorin pranë fshatit Guras.

Në këto kushte, për ta kjo është një kosto e panevojshme, e cila nuk jep asnjë impakt pozitiv, por vetëm dëmton biznesin.

Impiantet për trajtimin e ujërave të zeza/ Bizneset e Pogradecit

"Ky takim me përfaqësues të bizneseve të qytetit u organizua si rezultat i penalizimit që na bën qeveria për mosvendosjen e pajisjeve të filtrimit të ujërave të zeza. Këtë problem e kemi diskutuar që në fillimet e saj, jo për të kundërshtuar nismën e qeverisë, por sepse në qytetin tonë mund të themi që është i zgjidhur me vendosjen e kolektorit që ka qyteti. Kapacitetet e tij përballojnë fluksin edhe në pikun e sezonit, por ajo që propozojmë është t’i japim zgjidhje reale problemit, duke u këshilluar edhe me ekspertë. Ne themi që duke vendosur sipas mënyrës së qeverisë, nuk ka zgjidhje për qytetin tonë.

Impiantet për trajtimin e ujërave të zeza/ Bizneset e Pogradecit

Një pjesë e madhe e bizneseve janë penalizuar por kjo s'është zgjidhje e problemit. Vendosëm që t’ja bëjmë me dije dhe njëherë ministrisë problemin për të mos vendosur këto pajisje. Pajisjet janë në shifra shumë të larta dhe që dëmtojnë biznesin, nëse e vendosin bizneset që janë 5% e qytetit, 95% tjetër prapë do e ketë si problem. Bizneset kanë rënë dakord mos vendosin këto pajisje dhe nëse do të duhet të vendoset, patjetër atëherë do mbyllim bizneset", thotë një biznesmen.

Brenda kësaj jave, shumë prej bizneseve kanë marre gjoba që shkojnë mbi 20 milionë lekë, pasi nuk kanë respekuar këtë akt normativ. Ndërkaq, në takimin e sotëm ata kanë kërkuar që një përfaqësues i tyre të kryejë takim me kryeministrin dhe ministren përkatëse.

Impiantet për trajtimin e ujërave të zeza/ Bizneset e Pogradecit

"30% e pjesëmarrjes këtu ka marrë gjoba, një ndër ta jam dhe unë, me gjobë 24 milionë lekë të vjetra. Nuk e shohim të arsyeshme të vendosim impiant, do jetë shkatërruese për qytetin që gjithë vija e liqenit ku kemi bizneset të kenë gropa. Edhe nëse e paguajmë, s'do i vendosim. Impiantet janë në bazë të kapaciteteve, fillojnë nga 15 mijë euro, ndërsa për një hotel siç jam unë shkon në 120-130 mijë euro. Nuk i përballojmë dot. Peticionin do e dorëzojmë te ministrja Balluku, Kuvendi, kryeministri Rama, Bashkia e Pogradecit", deklaroi një biznesmen.

Impiantet për trajtimin e ujërave të zeza/ Bizneset e Pogradecit

"Ne jemi disa biznese të vegjël dhe vjen na thonë që vendosini impiant. Unë 30 metër katrorë kam, ku ta vendos? Pogradeci është sezonal, 2 muaj punojnë të gjithë", theksoi një tjetër.

Impiantet për trajtimin e ujërave të zeza/ Bizneset e Pogradecit

Në një peticion, ata listuan kërkesat e tyre dhe nga ana tjetër paralajmëruan që nëse problematika e tyre nuk merr zgjidhje do të bëjnë bojkot total, duke mbyllur në shenjë proteste subjektet e tyre./ CNA





Lajmet e fundit nga