Tirana mes mbeturinave/ Kosha të tejmbushur dhe erë e rëndë, banorët në alarm

23 Maj 2026, 18:37, Aktualitet CNA

Tirana mes mbeturinave/ Kosha të tejmbushur dhe erë e rëndë,

Situatë alarmante me mbeturinat në disa zona të kryeqytetit. Koshat e mbingarkuar dhe mbetjet e hedhura në rrugë po kthehen në një shqetësim serioz për banorët dhe bizneset e zonës.

Edhe pse qytetarëve iu vilen çdo ditë taksa për menaxhimin e mbetjeve në Tiranë, sërish banorët e kryeqytetit përballen me pirgje me plehra dhe jo më larg se në dalje të banesave të tyre.

Tirana mes mbeturinave/ Kosha të tejmbushur dhe erë e rëndë,

Në pamjet e siguruara nga CNA në disa nga zonat më kryesore dhe të populluara në kryeqytet si në zonën e 21-Dhjetorit, në Pazarin e ri dhe Astir, kontejnerët janë të tejmbushura, ndërsa qeset, kartonët dhe mbetje të tjera kanë pushtuar trotuaret dhe hapësirat publike. Gjatë vëzhgimit në rrugët kryesore të qytetit, pamja e parë që shohim janë koshat e plehrave të tejmbushur, me mbeturinat e përhapura në çdo cep të kryeqytetit.

Tirana mes mbeturinave/ Kosha të tejmbushur dhe erë e rëndë,

Nëpër rrugë ka mungesë të theksuar të koshave të mbeturinave, ndërsa aty ku janë vendosur, plehrat kanë mbuluar trotuaret. Disa nga thasët e hedhur pranë koshave dyshohet se përmbanin edhe mbetje inerte në zonat më të populluara në Tiranë, duke rënduar më tej situatën dhe ndotjen në zonë.

Ndonëse banorët përballen me këtë situatë që është e përsëritur, Bashkia e Tiranës duket se nuk e sheh të arsyeshme të zbatojë detyrën e saj dhe të heqë plehrat. Bashkia e Tiranës nuk ka marrë masa për pastrimin e këtyre zonave të kryeqytetit, por po “bën sehir” dhe po sheh se si banorët “mbyten” nga ndotja e ambientit.

Tirana mes mbeturinave/ Kosha të tejmbushur dhe erë e rëndë,

Tirana është kthyer në një mal me plehra për shkak të mospastrimit të koshave nga bashkia e Erion Veliajt.
Banorët shprehen të revoltuar për mungesën e pastrimit dhe neglizhencën e institucioneve përgjegjëse. Ata thonë se prej ditësh mbeturinat nuk janë larguar, duke krijuar ndotje, erë të rëndë dhe rrezik për shëndetin publik.

Edhe pse Bashkia e Tiranës pastron koshat, era mbetet e rëndë pasi rruga nuk pastrohet. Qytetarët kërkojnë ndërhyrje të menjëhershme nga Bashkia e Tiranës për pastrimin e zonave të ndotura dhe shtimin e kontrolleve për menaxhimin e mbetjeve, ndërsa paralajmërojnë se situata po del jashtë kontrollit. /CNA