web counter
LEXO PA REKLAMA!

SHKARKO APP

App Store
Google Play

“Ti i pesti, Liri i shtati”/ “Në Shënjestër” zbardh mesazhet, të fortët e Shijakut në shërbim të Çyrbjas

22 Prill 2025, 20:47, Aktualitet CNA

“Ti i pesti, Liri i shtati”/ “Në

Sonte në emisionin Në Shënjestër janë zbardhur mesazhet e shkëmbyera mes të fortë të Shijakut të cilët kanë ndihmuar Jurgis Çyrbjan të zgjidhet dy herë deputet.

Në bisedat e zbërthyera në aplikacionin SkyECC del se si Çyrbja u rendit në listë të sigurt të kandidatëve për deputetë të Qarkut Durrës, aty ku krimi kishte shtrirë tentakulat e veta dhe bënte ligjin, duke vendosur edhe se kush do shkonte në parlament dhe kush jo.

“Tashi sa e mbylla muhabetin tënd se kam 3 orë me atë, po mos fol me njeri se na prishin pun. Se ja kërkova personalisht. Do ja çoj ashtu tha, normal ti i pesti, Liri i shtati”, thotë Altin Hajri, një nga krerët e grupeve kriminale në zonën e Shijakut.

Në dosjen hetimore përmendet dhe një emër tjetër, Julian Meçaj, ish-anëtar i bandës së Durrësit, i interesuar që Jurgis Çyrbja, për të cilin mesa duket se krimi në zonë ka hapur një garë se kush e kush ta rendisë sa më lart në listën e sigurtë.

Në Shënjestër zbulon se sipas dosjes hetimore, Meçaj gjatë periudhës parazgjedhore të 25 Prillit 2021, mban raporte të ngushta me deputetin Jurgis Çyrbja.

Dhe ashtu siç pritej Jurgis Çyrbja nuk ka harruar të falenderojë bamirësin e tij, të cilit i tregon se sa i qetë ndihet shpirtërisht tani që mori këtë lajm.

“Ok vëllai. Rrofsh, je i madh. Na ngrite moralin se na kishte ik mendja”, thotë Çyrbja, referuar përgjimeve të bisedave në SKYECC./ CNA

 





Lajmet e fundit nga