web counter
LEXO PA REKLAMA!

SHKARKO APP

App Store
Google Play

E fundit!

x

Sot, gara ndërkombëtare “Tiranathlon”/ Ja si do të devijohet qarkullimi në kryeqytet

28 Maj 2023, 08:37, Aktualitet CNA

Sot, gara ndërkombëtare “Tiranathlon”/ Ja si do të

"Tiranathlon" rikthehet sot në kryeqytet për të tretin vit radhazi. Ky event sportiv, që përkon edhe me titullin Tirana Qyteti Europian i Sportit, bashkon trI disiplinat më të njohura dhe të praktikuara në një garë të vetme: not, çiklizëm dhe vrap.

Me qëllim mbarëvajtjen dhe organizimin e aktivitetit sportiv “Tiranathlon” në Parkun Helen pranë Liqenit të Farkës, Bashkia e Tiranës, në bashkëpunim dhe me Ambasadën Greke dhe Policinë e Shtetit, ka hartuar një plan masash për organizimin e lëvizjes së automjeteve gjatë zhvillimit të garës.

Bashkia e Tiranës informon qytetarët për kufizimin e qarkullimit të automjeteve sot (e dielë, datë 28.05.2023), nga ora 08:00 deri në orën 12:00, sipas segmenteve rrugore si më poshtë:

1. Ndalimin e qarkullimit të automjeteve në kuadër të mbarëvajtjes dhe organizimit të aktivitetit sportiv “Tiranathlon”, në parkun Helen pranë Liqenit të Farkës, ditën e Diel, datë 28.05.2023, nga ora 08:00 deri në orën 12:00, sipas segmenteve rrugore si më poshtë:

– Rruga e “Tuneleve”, (duke filluar nga kryqëzimi rruga “Tuneleve” me rrugën “Daxhit” deri te kryqëzimi rruga “Tuneleve” me rrugën “Panorama e Liqenit),

– Rruga “Daxhit”, (duke filluar nga kryqëzimi rruga “Daxhit” me rrugën “Shaqir Palushi”, deri te kryqëzimi rruga “Daxhit” me rrugën e “Vrapëve”),

– Rruga “Diga e Liqenit”, (duke filluar nga kryqëzimi rruga “Panorama e Liqenit” me rrugën “Diga e Liqenit”, deri te kryqëzimi rruga “Daxhit” me rrugën “Diga e Liqenit”),

– Rruga “Panorama e Liqenit”, (duke filluar nga kryqëzimi rruga “Tuneleve” me rrugën “Panorama e Liqenit”, deri te kryqëzimi rruga “Panorama e Liqenit” me rrugën “Diga e Liqenit”).

– Rruga interurbane kryesore (TEG – Ura ShkozëS)

– Bulevardi "Zhan D’Ark", bulevardi "Gjergj Fishta", bulevardi "Bajram Curri" (segmenti nga ura Shkozë – Pallati me Shigjeta).

2. Itinerari i lëvizjes së mjeteve të linjave urbane do të devijohet si më poshtë:

a. Linja Nr. 1/A “Selitë – Kristal – Qendër – Stacioni i Trenit – Allias” dhe 1/B “Kodra e Diellit 2 – Kristal – Qendër – Stacioni i Trenit – Allias” devijon në njërin drejtim në sheshin "Willson” tjetri në qendër.

b. Linja Nr. 2 “TEG – Sauk i Vjetër – Kopshti Zoologjik – Ish-Stacioni i Trenit” devijon te sheshi “Willson”.

c. Nr. 5 /A “Ish-Kombinati i Autotraktorëve – Qendër" pezullohet përkohësisht.

d. Nr. 8 “Ish-Stacioni i Trenit – Qendër – Sauk i Ri/ Sauk i Vjetër/ Sanatorium – TEG devijon te rrethrotullimi i “Ekonomikut”.

e. Linja Nr. 9 “Qyteti Studenti – Jordan Misja” devijon në qendër.

f. Linja Nr. 10/A “Materniteti i Ri – Qendër – Ish-Fusha e Aviacionit” pezullohet përkohësisht.

g. Linja Nr. 13 “Tirana e Re” devijon te rrethrrotullimi i “Fabrikës së bukës” dhe në qendër.

h. Linja Nr. 14 “Unaza” pezullohet përkohësisht.

i. Qarkullimi i mjeteve të emergjencës dhe Policisë së Shtetit do të vazhdojë normalisht në të gjithë itineraret e mësipërm./CNA.al

 

 





Lajmet e fundit nga