web counter
LEXO PA REKLAMA!

SHKARKO APP

App Store
Google Play

Solli në Shqipëri “krenarinë e Norvegjisë” / Luca prezanton anijen, i ka rënë ruzullit tokësor 2 herë rrotull

27 Dhjetor 2023, 22:50, Aktualitet CNA

Solli në Shqipëri “krenarinë e Norvegjisë” /

“Open Balkan” kështu quhet anija e kërkimeve e biznesmenit dhe sipërmarrësit Gjergj Luca.

Në një intervistë për Blendi Fevziun, Luca tregoi se anija është rreth 50 metra dhe peshon 700 onë.

Ai zbuloi se kjo anijë i ka rënë përqark dy herë të gjithë rruzullit tokësor me shkencëtarë për kërkime në fundin e oqeanit.

Biznesmeni tregoi se anijen e ka blerë në Norvegji dhe vendasit e cilësonin si krenarinë e Norvegjisë.

“Kjo është anije kërkimesh, është rreth 50 metra. Është një nga anijet lider në të gjithë botën. Është marrë nga Norvegjia dhe ka qenë një anije që i ka rënë dy herë të gjithë rruzullit tokësor me shkencëtarë. Kjo anije ka qenë një nga anijet krenari të Norvegjisë, është anije dhe akullthyese. Peshon rreth 700 ton. Kjo merret me të gjithë kërkimet shkencore të gjithë fundit të detit, të gjithë oqeanit dhe prandaj unë ia kam vënë emrin ‘Open Balkan’ që të merret pak edhe me kërkimet e të gjithë ballkanit se ku janë problemet tona që nuk jemi bashkë.

Kjo është pjesë jo vetëm e flotës sime, por është pjesë e krenarisë shqiptare dhe krenarisë së mesdheut, me flamurin shqiptar. Mesdheu nuk ka asnjë anije të këtij niveli për kërkime dhe kam pasur shumë kërkesa prej Italisë, prej Francës që duan ta marrin. As Franca nuk ka.

Kur është blerë kjo anije në Norvegji, ne kemi qenë në një taksi 6 personazhe, të cilët po iknim të shikonim anijen dhe nuk po e gjenim se porti ishte shumë i madh dhe i them shoferit të taksisë, të lutem nuk po e gjejmë atë anijen që duam dhe më pyet si e ka emrin. Unë i them ‘Mozbi’ se kjo e ka pasur emrin ‘Mozbi’. Dhe me thotë ju çoj unë te ‘Mozbi’. ‘Mozbi’ është krenaria e Norvegjisë dhe i them unë shoferit të taksisë ‘ishte se tani është krenaria e Shqipërisë’”, u shpreh ai.

Biznesmeni tregoi se anija ka kushtuar po aq sa një pallat 10-katësh dhe është më e madhja që ai zotëron.

“Kjo kushton sa një pallat i këtyre mndërtuesve 10-katësh. Në flotën ‘Rozafa’ janë 15 anije pa dashur ta ekzagjeroj. Kjo është më e madhja se anijet maten me tonazh dhe me atë që bëjnë. Kjo lundron në çdo det të botës dhe ne jemi në një nga pjesët më të krenueshme të gjithë mezdheut”, theksoi Luca./ CNA





Lajmet e fundit nga