web counter
LEXO PA REKLAMA!

SHKARKO APP

App Store
Google Play

Situata nga zjarret/ Ministria e Mbrojtjes: Janë shuar përfundimisht flakët në Laç

23 Gusht 2023, 15:57, Aktualitet CNA
Situata nga zjarret/ Ministria e Mbrojtjes: Janë shuar përfundimisht
Foto ilustruese

Forcat e Armatosura, nën koordinimin e Agjencisë së Mbrojtjes Civile, gjatë ditës së sotme kanë bërë të mundur shuarjen përfundimtare të vatrave aktive të zjarrit në fshatin Delbnisht, në Njësinë Administrative Milot, Bashkia Kurbin.

Në kurorën e qytetit të Laçit, afër Kishës së Shën Antonit, aty ku situata ishte tejet kritike që prej ditës së djeshme, vatrat e zjarrit janë shuar përfundimisht. Momentalisht, situata është e qetë dhe po monitorihet nga punonjësit e zjarrfikëses dhe shërbimit pyjor.

Gjithashtu është bërë e mundur shuarja e një vatre zjarri pranë superstradës Milot-Lezhë.

Në fshatin Treblovë, në Bashkinë e Selenicës të qarkut Vlorë, zjarri është arritur të shuhet plotësisht. Falë ndërhyrjes në kohë me helikopter u bë i mundur shpëtimi i 4 shtëpive.

Po punohet me intensitet për mbajtjen nën kontroll të vatrave të zjarrit në fshatin Jarua, Bashkia Fier ku është shmangur rreziku për banesat.

Në fshatin Sinanaj, në Bashkinë Tepelenë, punohet nga terreni për izolimin e vatrës së zjarrit.

Puna vijon edhe në fshatin Grazhdan, në Bashkinë e Finiqit për normalizimin e vatrës pas riaktivizimit./CNA





Lajmet e fundit nga