web counter
LEXO PA REKLAMA!

SHKARKO APP

App Store
Google Play

Situata nga reshjet e shiut në Qarkun Shkodër/ Pa emergjenca serioze, por disa vështirësi lokale

22 Nëntor 2025, 10:00, Aktualitet CNA

Situata nga reshjet e shiut në Qarkun Shkodër/ Pa emergjenca serioze,

Reshjet e dendura të shiut gjatë natës dhe mëngjesit të sotëm kanë prekur Qarkun e Shkodrës, por deri më tani nuk raportohet ndonjë emergjencë serioze. Strukturat e emergjencave dhe bashkitë janë angazhuar në terren për monitorim dhe menaxhim të situatës.

Situata sipas bashkive:

Bashkia Shkodër: Reshje intensive gjatë natës. Nuk ka probleme të raportuara, ndërsa strukturat e bashkisë ndodhen në terren për verifikim të situatës.

Bashkia Vau i Dejës: Reshjet vazhdojnë me intensitet të lartë, por nuk ka problematika të raportuara.

Bashkia Fushë-Arrëz: Reshje mesatare gjatë natës. Disa rrugë rurale janë të bllokuara nga dheu e gurët, ndërsa disa fshatra përballen me ndërprerje të energjisë elektrike.

Bashkia Pukë: Nuk ka raportime për probleme.

Drejtoria Rajonale e Ujësjellës-Kanalizimeve Lezhë: Gjatë 24 orëve të fundit kanë rënë rreth 50 mm shi. Nuk ka probleme në kanalet e kullimit, argjinatura apo digën e rezervuarit Shtodër. Nivelet e lumenjve Buna, Drin, Kir, Gjadër dhe rezervuarit Shtodër janë nën kuotat e rrezikut. Hidrovoret në Velipojë funksionojnë normalisht.

DRV Shkodër: Nuk raportohen probleme me qarkullimin rrugor.

Megjithëse reshjet kanë sjellë disa vështirësi lokale, situata në të gjithë qarkun mbetet e qëndrueshme. Strukturat e emergjencave dhe bashkitë mbeten në gatishmëri për çdo zhvillim të mundshëm./ CNA





Lajmet e fundit nga