web counter
LEXO PA REKLAMA!

SHKARKO APP

App Store
Google Play

E fundit!

x

Si u planifikua vrasja e Geron Hasanbelliut?/ Zbardhet dëshmia e vëllezërve Beqiraj

5 Tetor 2022, 10:43, Aktualitet CNA

Si u planifikua vrasja e Geron Hasanbelliut?/ Zbardhet dëshmia e

Vëllezërit Indrit dhe Gentian Beqiraj kanë kërkuar statusin e të penduarit duke u bërë bashkëpunëtorë të drejtësisë.

Ata mësohet se me dëshmitë e tyre kanë hedhur dritë në shumë ngjarje.

Një nga ngjarjet e zbardhura është vrasja e Erjon Çelës, ndodhur më 4 janar 2022, në "Don Bosko".

Vrasja e dytë e zbardhur është ajo e Arben Mërkurit, i cili u ekzekutua pesë muaj më parë.

Sipas dëshmisë së vëllezërve Beqiraj, objektiv ishte Geron Hasanbelliu, armiku i betuar i Kasandër Nogës.

Vëllezërit Beqiraj kanë rrëfyer para policisë se ata u tërhoqën dy ditë para Vitit të Ri sepse objektivi ishte shumë i vështirë për ta.

Ndërsa 6 ditë më vonë, sipas tyre, Kevin Zeneli vendosi ta kryente vetë vrasjen me mjetet që ata kishin siguruar.  

“Kevin Zeneli, një i njohuri ynë na ofroi punë. Kevini tha se do na jepte një punë që e kishte porositur Kasandër Noga. Kevini na tregoi fotografinë e Geron Hasanbelliut.

Duhet ta gjenim, ta vëzhgonim dhe eliminonim. E gjetëm në 'Don Bosko', prandaj morëm dhe shtëpi me qera aty. E kemi ndjekur gati gjithë muajin dhjetor 2021.

Dy ditë para Vitit të Ri u dorëzuam dhe i thamë Kevinit se nuk mund ta kryejmë dot, sepse është objektiv i vështirë. Makinën që kishim marrë për të kryer ngjarjen ia dhamë Kevinit. Më pas më 4 janar ngjarjen e kreu ai me mjetet që kishim siguruar ne", kanë dëshmuar ata, raportohet nga mediat me titra./CNA.al





Lajmet e fundit nga