web counter
LEXO PA REKLAMA!

SHKARKO APP

App Store
Google Play

Shtëpia plot me "bar të thatë"/ Policia "kap mat" fushë-krujësin me 20 kg kanabis

5 Tetor 2022, 09:45, Aktualitet CNA
Shtëpia plot me "bar të thatë"/ Policia "kap
foto ilustruese

Policia e shtetit ka finalizuar operacionin “Home”, ku në pranga ka përfunduar një 41-vjeçar, i cili mbante lëndë narkotike në banesë.

Mësohet se policia gjatë kontrollit të banesës i ka gjetur 20 kilogramë kanabis në proces tharjeje.

Njoftimi i policisë së shtetit:

Fushë-Krujë/Finalizohet operacioni policor i koduar "Home".

Sekuestrohen rreth 20 kg kanabis në proces tharjeje dhe vihet në pranga 41-vjeçari që e mbante lëndën narkotike në banesë.

Në vijim të punës për parandalimin, evidentimin dhe goditjen e veprimtarive kriminale në fushën e narkotikëve, si dhe në bazë të informacioneve të marra në rrugë operative, shërbimet e Komisariatit të Policisë Krujë kanë finalizuar operacioni e koduar "Home", si rezultat i të cilit u vu në pranga shtetasi:

-E. M., 41 vjeç, banues në Fushë Krujë, për veprat penale "Prodhimi dhe shitja e narkotikëve" dhe "Kultivimi i bimëve narkotike".

Gjatë kontrollit të ushtruar në banesën e 41-vjeçarit, u gjetën dhe u sekuestruan rreth 20 kg lëndë e dyshuar narkotike kanabis në proces tharjeje, si dhe një sasi tjetër lënde e dyshuar narkotike kanabis, e ndarë në doza, gati për shitje.

Materialet iu referuan Prokurorisë pranë Gjykatës së Rrethit Gjyqësor Krujë, për veprime të mëtejshme./CNA.al





Lajmet e fundit nga