E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Emri i tij u publikua nga hakerat/ Flet këngëtari i muzikës popullore: Jam shoqëruar 2 herë në polici

5 Tetor 2022, 08:36, Aktualitet CNA

Emri i tij u publikua nga hakerat/ Flet këngëtari i muzikës

Prej disa ditësh tashmë kanë qarkulluar disa dosje të publikuara nga hakerat iranianë, të cilat dyshohet se janë marrë nga sistemi "MEMEX" (pasi policia ka deklaruar se ky sistem nuk është prekur), ku janë paraqitur personat e dyshuar nga policia, që kanë lidhje me botën e krimit.

Përveç shumë emrave të tjerë që janë shfaqur në atë databazë, mes tyre ka rezultuar edhe këngëtari i muzikës popullore Spartak Xhaferraj, i cili njihet për këngën "Qejf o qejf, o qerrata".

Të dhënat e tij personale si datëlindja, gjendja civile, vindi i lindjes e atësia, ishin pjesë e këtyre "listave të zeza".

Ditën e sotme ai ka sqaruar se kur doli lajmi ai dhe familjarët e tij u shqetësuan shumë, por më pas ishte qetësuar kur kishte parë se shumë personazhe të njohur ishin pjesë e listës.

Më tej ai tregoi se është shoqëruar 2 herë në polici, për ndërtim pa leje si çdo shqiptar, dhe herën e dytë për një aksident nga i cili fatmirësisht nuk kishte pasur dëme fatale. Ai theksoi se është njeri i thjeshtë dhe i rritur në një familje tradicionale shqiptare dhe sa u takon lajmeve të hedhura nga portalet do t'i hedhë në gjyq.

“Lajmin ma treguan miqtë, shokët, ma dërgonin. Se kuptoja se ca po ndodhte, vetëm kur pashë lajmet që nuk isha vetëm unë. Ishte Spiropali, Gjuzi dhe të tjerë.

Si të gjithë shqiptarët, nuk është turp që të shoqërosh për një ndërtim pa leje, apo për një aksident. Unë po vras mendjen si të marr ndonjë lek me këtë rast se jam çik keq nga ekonomia. Mendoj se nga ana ligjore më detyrohen, do t’i hedh në gjyq, se ta japin lajmin, po jo ta deformojnë.

Unë rrjedh nga një familje e thjeshtë, që ka punuar në koperativë, në një fshat të Përmetit. Edhe unë kam emigruar në Greqi, kam një jetë të thjeshtë. Kam krijuar familje, kam dy fëmijë dhe vitet e fundit kam pasur probleme shëndetësore, konkretisht me zemrën. Fëmijët nga një anë habiteshin, nga ana tjetër thoshin: ‘Babi mos u mërzit’”, u shpreh këngëtari për "ABC"./CNA.al