web counter
LEXO PA REKLAMA!

SHKARKO APP

App Store
Google Play

E fundit!

x

Si ndodhi kontrabanda në Kakavijë/ Ngjarja që është mbajtur e fshehtë

29 Gusht 2022, 16:22, Denoncim CNA
Si ndodhi kontrabanda në Kakavijë/ Ngjarja që është
Foto ilustruese

CNA.al sot ka zbuluar nëpërmjet të dhënave zyrtare se, një ngjarje e rëndë kontrabandë ku është përfshirë edhe policia e shtetit, ka ndodhur në doganën e Kakavijës, më 9 Maj. 

Burime zyrtare i thanë CNA.al se bëhet fjalë për një kamion me Redbull, i futur nga Greqia me letra false në Kakavijë.

Sipas të dhënave të konfirmuara nga CNA.al, forcat “Shqiponja” kanë kapur kamionin kontrabandë dhe më pas janë nisur për ta shoqëruar atë për në komisariatin e policisë së Gjirokastrës.

Por çfarë ka ndodhur?

Ka qenë ndërhyrja e zyrtarëve të lartë të policisë së shtetit që ka bërë që kamioni të lirohet.

Burime i thanë CNA.al se personi që ka pasur Redbull-in kontrabandë, është një i afërm i një ish-zyrtari të lartë të policisë. Ka qenë më pas një drejtues lokal i policisë, i cili ka urdhëruar për sallën operative që kamioni kontrabandë të lirohej dhe të vazhdonte rrugën.

Ngjarja është mbajtur tepër sekret, por ka shkuar më pas edhe Agjencia e Mbikëqyrjes Policore dhe e Gardës, e cila ka bërë hetimet.

Dhe ka zbuluar se si zyrtarë të lartë të policisë janë përfshirë në një ngjarje skandaloze, ku policia kap mall kontrabandë, i kaluar në doganë, i kaluar edhe nga antikontrabanda dhe më pas urdhërohet që ta lëshojë kamionin duke përfshirë në këtë skandal, jo vetëm forcat “Shqiponja” por edhe doganën e Kakavijës, antikontrabandën dhe vetë zyrtarë të policisë së shtetit./ CNA.al





Lajmet e fundit nga