web counter
LEXO PA REKLAMA!

SHKARKO APP

App Store
Google Play

Shpërthimi në Lushnjë/ Banorët me lot në sy: Dëme të shumta, mund të ishin vrarë njerëz

2 Mars 2024, 11:04, Aktualitet CNA

Shpërthimi në Lushnjë/ Banorët me lot në sy: Dëme

Banorët e shtëpisë ngjitur me zonën industriale ku ndodhi tragjedia në Lushnjë kanë rrëfyer tmerrin e përballjes me shpërthimin që la dy të vdekur dhe 7 të plagosur.

Një prej tyre është shprehur për mediat me lot në sy se mori rrugën nga Greqia menjëherë për në shtëpi nga meraku se nuk kishte lajm për familjen pasi linjat i internetit ishin ndërprerë.

Ai tha se dëmet në banesën e tij janë të konsiderueshme. 

"Isha në Greqi dhe mora haberin me anën e familjes që kishte ndodhur diçka e papritur në familjen time. U detyrova dhe erdha urgjentisht. Shyqyr Zotit kam mirë familjen. Kur erdha këtu pash që dëmet ishin të konsiderueshme. Sikurse e shikoni edhe vetë, unë nuk jam ekspert. Haberin e para ma ka dhënë motra ime. Ishte këtu, ajo më njoftoi. U bë shkëputja e internetit, nuk kisha kontakte me familjen time. Kur erdha këtu, mirë që gjeta njerëzit jashtë. Xhama kudo, hekurat të hedhur sa andej këndej. Mirë që s’kanë qenë njerëzit jasht. Patjetër, me këtë gjendje që është shtëpia mund të kishte edhe njerëz të vrarë", u shpreh ai. 

Ishte ora 15:30 e 1 marsit kur vinçni ka rënë në kontakt me linjën e tensionit të lartë 110 kv që kalonte sipër magazinës ka ndodhur shpërthimi që i mori jetën babë e bir ndërsa plagosi 7 të tjerë mes tyre dhe deputetin socialist Bujar Çela, i cili është edhe pronar i magazinës.

Mësohet se një grupi hetimor nga Prokuroria e Fierit, Inspektoriati Shteteror teknik dhe Industrial, Njësia anti-eksploziv,  Policia e Lushnjës dhe inxhinierë të OShEE ndodhen në vendngjarje për zbardhjen e shkaqeve./CNA 

 





Lajmet e fundit nga