web counter
LEXO PA REKLAMA!

SHKARKO APP

App Store
Google Play

E fundit!

x

Rrëshqitje dheu dhe gurësh në aksin Gjirokastër-Tepelenë/ Qarkullimi me një sens lëvizjeje

7 Janar 2026, 15:36, Aktualitet CNA

Rrëshqitje dheu dhe gurësh në aksin

Rrëshqitje dheu dhe gurësh janë regjistruar ditën e sotme në aksin Gjirokastër-Tepelenë. Si pasojë, qarkullimi i automjeteve në këtë aks funksionon vetëm me një sens lëvizjeje. Sipas raportimeve, rrëshqitjet kanë ndodhur në vendin e quajtur “Shkalla e Zezë”.

Në terren ndodhen autoritetet rrugore dhe emergjencat civile për të bërë të mundur lirimin e plotë të aksit rrugor. Policia e Gjirokastrës apelon për të gjithë drejtuesit e mjeteve që të shmangin lëvizjet e panevojshme, pasi ka prezencë të ujit në akset rrugore.

Njoftimi i policisë: 

Njoftojmë qytetarët dhe përdoruesit e rrugës, se si pasojë e rrëshqitjes së një masivi dheu dhe guresh, për shkak të kushteve atmosferike me reshje të dendura shiu, aksi rrugor “Gjirokastër-Tepelenë”, konkretisht në vendin e quajtur “Shkalla e Zezë”, funksionon me një sens lëvizjeje.

Strukturat e Drejtorisë Vendore të Policisë Gjirokastër, në bashkëpunim me Strukturat e Emergjencës dhe me ato të ARrSh-së po punojnë intensivisht për pastrimin e rrugës.

Gjithashtu, është rritur prezenca e shërbimeve me uniformë dhe me automjete të pajisura me fenelina, në të gjitha akset e qarkut, me qëllim parandalimin e aksidenteve rrugore, si dhe ofrimin e ndihmës përdoruesve të rrugës, në rast nevoje.

Policia e Gjirokastrës apelon për të gjithë drejtuesit e mjeteve që të shmangin lëvizjet e panevojshme, pasi ka prezencë të ujit në akset rrugore.

Gjithashtu, apelon për vëmëndje të shtuar gjatë drejtimit të mjetit, si dhe për respektim rigoroz të rregullave të qarkullimit rrugor.

Për çdo nevojë ose problematikë, telefononi në numrin pa pagesë 112. /CNA





Lajmet e fundit nga