web counter
LEXO PA REKLAMA!

SHKARKO APP

App Store
Google Play

Situata nga reshjet e dendura/ Xhakolli: Emergjencë në disa zona

7 Janar 2026, 12:10, Aktualitet CNA

Kryetari i Bashkisë Pogradec, Ilir Xhakolli, ka dhënë informacion mbi situatën e krijuar nga reshjet e dendura që kanë përfshirë qytetin dhe zonat përreth.

Ai bëri me dije se grupet e emergjencës kanë qenë në terren që nga mbrëmja e kaluar dhe vazhdojnë të jenë aktivë në të gjithë bashkinë për të menaxhuar situatën.

“Dëme më të mëdha kanë shkaktuar dy lumenjtë e zonës, por edhe lumi i qytetit ka probleme të konsiderueshme. Të tre lumenjtë, po ashtu si herën e parë, kanë sjellë vështirësi në Rëmenj, Vërdovë dhe në qytet,” tha kryetari Xhakolli.

Ai ndodhet në Beragozhdë, ku një pjesë e rrugës ka pësuar shembje, për të drejtuar punimet dhe për të hapur aksin rrugor që t'u vijë në ndihmë banorëve.

“Kjo është një emergjencë, por më tej do të bëhet një rrugë më e rregullt. Meqë koha po hapet, pas 3-4 orësh situata do të qetësohet, megjithatë parashikimet janë që pasdite të rifillojnë reshjet dhe të gjitha mjetet janë në gatishmëri,” shtoi ai.

Bashkia Pogradec dhe shërbimet e emergjencës janë duke punuar intensivisht për pastrimin e rrugëve, menaxhimin e lumenjve dhe sigurimin e zonave të prekura, ndërsa banorët këshillohen të tregojnë kujdes dhe të shmangin qarkullimin në zonat me rrezik./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga