web counter
LEXO PA REKLAMA!

SHKARKO APP

App Store
Google Play

"Reshje intensive dhe rrëshqitje dherash"/ Paralajmërimi i IGJEUM për ditën e nesërme

25 Mars 2026, 17:05, Aktualitet CNA

"Reshje intensive dhe rrëshqitje dherash"/ Paralajmërimi i

Ditën e nesërme priten reshje mesatare deri intensive në qarkun e Shkodrës dhe Kukësit.

Sipas një parashikimi të Institutit të Gjeoshkencave, në qarqet Lezhë, Vlorë dhe Gjirokastër priten reshje mesatare, ndërsa në Dibër, Durrës, Tiranë, Elbasan dhe Korçë reshjet priten të dobëta deri lokalisht mesatare.

Më tej thuhet se nesër shtrëngatat dhe intensiteti i lartë i reshjeve, mund të krijojnë probleme të ndryshme, si rrëshqitje të dherave dhe vërshime të ujit në zonat urbane të lokalizuara.

Njoftimi i plotë: 

Sot pasdite (e mërkurë, dt. 25) nuk priten reshje. Nesër (e enjte, dt. 26) priten reshje mesatare deri lokalisht intensive në qarqet Shkodër dhe Kukës. Në qarqet Lezhë, Vlorë dhe Gjirokastër priten reshje mesatare, ndërsa në Dibër, Durrës, Tiranë, Elbasan dhe Korçë reshjet priten të dobëta deri lokalisht mesatare. Reshjet do të shoqërohen me shtrëngata.

Në Veri, Lindje dhe Jug Lindje të vendit, në lartësitë mbi 800 m nga niveli i detit reshjet pritet të jenë në formë dëbore, më të përqëndruara në Veri të vendit.

Nesër (e enjte, dt. 26) shtrëngatat dhe intensiteti i lartë i reshjeve, mund të krijojnë probleme të ndryshme, si rrëshqitje të dherave dhe vërshime të ujit në zonat urbane të lokalizuara, në varësi të sistemit të kanalizimeve në qarkun Shkodër.

TEMPERATURA

Nesër (e enjte, dt. 26) temperaturat minimale dhe maksimale të ajrit pritet të arrijnë:

në bregdet: 8 / 17 °C

në vendet e ulëta: 7 / 19 °C

në vendet malore: 1 / 14 °C

ERA

Sot pasdite (e mërkurë, dt. 25) era pritet të fryjë e lehtë deri mesatare, ndërsa nesër (e enjte, dt. 26) era pritet të fryjë mesatare deri e fortë. /CNA





Lajmet e fundit nga