E fundit!

09:03 Aktualitet

Amnistia Penale hyn në fuqi, qindra të dënuar lënë sot burgjet/ Ja kush përfiton dhe kush përjashtohet

Ka nisur zbatimi i Amnistisë Penale, duke sjellë ndryshime...

Publikohet raporti/ Rama, Fuga e Gjiknuri shpenzuan mijëra dollarë në hotelin e Trump

4 Janar 2024, 21:54, Aktualitet CNA

Publikohet raporti/ Rama, Fuga e Gjiknuri shpenzuan mijëra

Sipas një raporti të Komitetit të Mbikëqyrjes dhe Llogaridhënies në Dhomën e Përfaqësuesve në SHBA, qeveria shqiptare u përpoq të ndikonte te Trump duke harxhuar para në hotelin e tij në Uashington D.C.

Në raport thuhet se kryeministri i Shqipërisë, Edi Rama, këshilltarët e tij, si dhe ministri, Gjiknuri shpenzuan afërsisht 6000 dollarë në hotelin Trump International në Uashington, D.C.

Konkretisht Dorjan Duçka, në periudhën 18-19 Janar 2018 ka shpenzuar në hotelin e Trump 1,503 dollarë; Edi Rama në periudhën 3-4 Mars 2018 ka shpenzuar 1,158 dollarë; Endri Fuga në periudhën 3-4 Mars 2018 ka shpenzuar 1,158 dollarë; Keisi Seferi në periudhën 3-4 March 2018 ka shpenzuar 1,158 dollarë dhe Damian Gjiknuri në periudhën 24-26 Qershor ka shpenzuar 1,025 dollarë.

Publikohet raporti/ Rama, Fuga e Gjiknuri shpenzuan mijëra

Po ashtu në raport thuhet se tre partitë kryesore shqiptare punësuan lobistë me bazë në SHBA me lidhje të ngushta me Presidentin e atëhershëm Trump.

Po ashtu në raport flitet dhe për lidhjet mes biznesmenit shqiptar, ish shefit të FBI-së dhe kryeministrit shqiptar Edi Rama.

Thuhet se Shefi i kundërzbulimit të FBI-së dhe Agron Neza, një biznesmen i Nju Xhersit, i cili më parë ka punuar në një agjenci inteligjence shqiptare janë takuar.

Raportohet se McGonigal kishte udhëtuar më parë në Shqipëri për t'u takuar me Ramën disa herë dhe, në kohën e takimit të 4 marsit, McGonigal kishte marrë 225,000 dollarë nga Neza.

Në fund të shkurtit, më pak se një javë përpara takimit McGonigal-Rama, FBI hapi zyrtarisht një hetim ndaj një lobisti amerikan, që mendohet të jetë Muzin, për punën e McGonigal në emër të Ramës. Thuhet se që atëherë ai është deklaruar fajtor për një akuzë për fshehjen e paligjshme nga FBI të aktiviteteve të tij të biznesit në Shqipëri.

Shpërblimet e paguara nga Shqipëria për bizneset në pronësi të Trump (të paraqitura në raport)

Kryeministri Rama zgjodhi të qëndronte në hotelin e Trump, gjatë vizitës së tij në mars 2017. Gjatë dy netëve, Rama dhe ndihmësit e tij shpenzuan 3474 dollarë në hotel. Ata qëndruan në të njëjtin kat me Nezën. Nuk ka asnjë tregues në të dhënat se McGonigal ka qëndruar në hotelin e Trump gjatë kësaj periudhe në Mars 2017.

Më vete, Dorjan Duçka, një këshilltar i Ramës, rezervoi katër dhoma për dy netë në hotelin e Trump, më 18 dhe 19 janar 2018, me një kosto prej 1,503 dollarë.

Të dhënat tregojnë më tej se ministri i atëhershëm i Infrastrukturës dhe Energjisë i Shqipërisë, Damian Gjiknuri, qëndroi në hoteli Trump, nga 24 deri më 26 qershor 2018, duke shpenzuar 1,025 dollarë./ CNA