web counter
LEXO PA REKLAMA!

SHKARKO APP

App Store
Google Play

E fundit!

x

Kandidatura e Kostelancik, në duart e Bidenit/ Çfarë pritet të ndodhë me ambasadorin e SHBA në Tiranë

4 Janar 2024, 17:01, Aktualitet CNA
Kandidatura e Kostelancik, në duart e Bidenit/ Çfarë
David J. Kostelancik

David J. Kostelancik ishte kandidatura e propozuar nga presidenti amerikan Joe Biden në janar të vitit 2023 si ambasador të Shqipërisë në SHBA.

Por Kostelancik nuk u miratua nga Senati Amerikan në afatet e përcaktuara nga Rregullorja dhe si rrjedhojë kandidatura u kthye mbrapsht te Presidenti.

Në njoftimin e Kongresit Amerikan thuhet se në 3 janar të këtij viti propozimi është kthyer te Presidenti sipas rregullit XXXI, pika 6.

Kandidatura e Kostelancik, në duart e Bidenit/ Çfarë

CNA ka analizuar rregullin XXXI, pika 6, i cili thotë se emri kthehet te Presidenti në kohën kur Senati nuk ka konfirmuar dhe as refuzuar kandidaturën brenda afatit që ka në dispozicion.

Rregullorja thotë se nëse kandidatura kthehet te Presideti, Senati nuk ka më mundësi të marrë një vendim për atë person.

Në këtë moment, ka një rëndësi të madhe Presidenti në këtë procedurë.

Presidenti Joe Biden mund të rinominojë kandidatin e kthyer më parë ose të nominojë një emër të ri për postin e ambasadorit.

“Nominimet që nuk janë konfirmuar dhe as refuzuar nga Senati në kohën kur Senati nuk cakton një datë në të ardhmen ose për një periudhë prej më shumë se 30 ditësh, i kthehen Presidentit në përputhje me Rregullin XXXI të Senatit, pika 6. Seancat pro forma (informale) të mbajtura gjatë një pushimi nga Senati llogaritet si dite seance dhe mund të parandalojë atë që përndryshe do të ishte një afat më i madh se 30-ditor që do të shkaktonte rikthimin e nominimeve sipas rregullit. Përdorimi i seancave pro forma në praktikën moderne të Senatit nënkupton që nevoja për të pezulluar Rregullin XXXI zakonisht ndodh vetëm në fund të sesionit të parë të një Kongresi.

Senati shqyrton në mënyrë rutinore të paktën disa nominime ndërmjet seancave të Kongresit ose pushimeve që zgjasin më shumë se 30 ditë. Emërimet mund të pezullohen nëse Senati bie dakord, me vota unanime, për të pezulluar rregullin. Marrëveshjet unanime për të hequr dorë nga rregulli mund të zbatohen për disa ose të gjitha nominimet që janë në pritje të Senatit dhe komiteteve të tij. Nominimet e zgjedhura për t'u mbajtur zakonisht negociohen nga drejtuesit e partive dhe komiteteve, megjithatë senatorë individualë kanë ndikim në negociata pasi çdo kundërshtim ndaj një kërkese unanime pëlqimi do ta rrëzonte atë. Nominimet për të cilat rregulli është pezulluar mbeten në status quo, që do të thotë se ato vazhdojnë të jenë në pritje në Kalendarin Ekzekutiv në vend që t'i kthehen Presidentit siç kërkohet nga rregullat e Senatit. Senati i kthen të gjitha nominimet në fund të një Kongresi.

Nëse një emërim i kthehet Presidentit, ai nuk është më i përshtatshëm për shqyrtim nga Senati. Presidenti mund të paraqesë një nominim të ri, qoftë për kandidatin e kthyer më parë ose për një kandidat të ri”, thuhet në Rregullin XXXI, pika 6.

Kandidatura e Kostelancik, në duart e Bidenit/ Çfarë

Kështu, e gjithë procedura e zgjedhjes së ambasadorit të Shqipërisë do të duhet të rifillojë nga e para, duke bërë që Kostelancik t’i nënshtrohet edhe njëherë të gjitha procedurave që ka kaluar.

Edhe pse disa nga procedurat Kostelancik i ka kaluar më parë, nëse rinominohet nga Presidenti, do të duhet t’i nënshtrohet edhe njëherë të gjitha hapave.

Kandidatura e Kostelancik, në duart e Bidenit/ Çfarë

Komisionet mund të kërkojnë dokumente të përditësuara nga Kostelancik, duke përfshirë të dhënat financiare, etike, do i duhet që t’i përgjigjet edhe njëherë pyetësorëve dhe të plotësojë dokumentet që i kërkohen.

Seancat dëgjimore mund të mbahen për kandidatët e riparaqitur, në këtë rast Kostelancik, megjithëse komitetet më parë kanë zgjedhur edhe të mos e bëjnë këtë./ CNA

Kandidatura e Kostelancik, në duart e Bidenit/ Çfarë





Lajmet e fundit nga