web counter
LEXO PA REKLAMA!

SHKARKO APP

App Store
Google Play

E fundit!

x

PS i rrëzoi kandidaturën/ “Viktimizohet” avokati i “Babales” dhe i inceneratorëve

23 Dhjetor 2022, 16:15, Aktualitet CNA
PS i rrëzoi kandidaturën/ “Viktimizohet” avokati i
Ledio Braho dhe Ervin Salianji

Në orët e para të mëngjesit të sotëm, pas seancës plenare maratonë që zgjati dy ditë, Kuvendi rrëzoi kandidaturën e grupit të vulës për Avokatin e Popullit, Ledio Brahon.

Për këtë të fundit, CNA.al ka raportuar më parë se është avokati i “Babales” dhe se rezulton të jetë i lidhur me inceneratorët.

Por pas votimit në Kuvend, avokati i inceneratorëve ka reaguar me një status në rrjetet sociale, ku është “viktimizuar” se përse nuk e zgjodhën Avokat Populli.

Braho thotë se është sulmuar dhe gjykuar për klientët e tij, ndërsa pretendon se vendimi i mazhorancës ka tronditur tempullin e demokracisë.

“Për t'u kthyer te dita e djeshme, pavarësisht dakordësisë së dhënë më parë nga Grupi i PS, u sulmova dhe u refuzova se pse isha avokat, pse kam kryer punën time me përkushtim e seriozitet, duke më gjykuar për klientët, për angazhimin dhe ushtrimin e një profesioni të lirë siç është avokatia. Më duhet të them se në rastin më të mirë këto janë argumente shterpë në gojën e të gjithë atyre elementëve partiakë apo jopartiakë që kanë besuar se do me kompleksonin duke mos ndalur sulmin që nga dita e parë e aplikimit tim për pozicionin e Avokatit të Popullit e deri në sekondën e fundit. 

Për hir të së vërtetës, nuk kam asnjë kuriozitet të përfshihem në arsyet e vërteta të refuzimit të kandidaturës sime në momentin e fundit nga grupi i PS, në tronditjen e pakuptimtë të tempullit të demokracisë befasishëm, por ama mund të them me siguri se votimi im si pjesë e ndonjë horse-trading me ndonjë kalë apo kalorës nuk do më bënte aspak krenar për një fitore të tillë.

Une kam ndërtuar jetën time si njeri i lirë, si familjar i përkushtuar, si profesionist, si mik e avokat në këtë qytet. Me keqardhje konstatova se shfaqja e shëmtuar e ditës së djeshme, e linçimit tim në mënyrë abuzive pa të drejtë fjale në atë sallë e për më tepër pa qenë i pranishëm aty, është modeli i së keqes, i ushqyer me veprime e mosveprime si barriera e vërtetë e të rinjve profesionistë që duan ende të jetojnë në këtë vend duke u angazhuar sadopak në jetën dhe institucionet publike të tij”, shkruan avokati i “Babales” dhe i inceneratorëve.

Kujtojmë se CNA.al ka raportuar më parë me fatura se Ledio Braho është paguar nga një prej kompanive të inceneratorëve. "Integrated Technology Services" në pronësi të Klodian Zotos, i cili sot është në kërkim ndërkombëtar.

Pronari i kompanisë "B8 K Legal & Tax Consulting", Ledio Braho, ka marrë një pagesë prej rreth 9 milionë lekësh nga "Intergrated Technology Services" e Klodian Zotos./ B.A. - CNA.al





Lajmet e fundit nga