web counter
LEXO PA REKLAMA!

SHKARKO APP

App Store
Google Play

E fundit!

x

Pritet shembja e një pallati te "Petro Nini Luarasi"/ Banorët përplasen me policinë

23 Dhjetor 2022, 12:10, Aktualitet CNA

Pritet shembja e një pallati te "Petro Nini Luarasi"/

Paraditen e sotme banorët e një pallati në zonën më të populluar të Tiranës, pranë shkollën "Petro Nini Luarasi" janë ngritur kundër autoriteteve, për të kundërshtuar vendimin për shembjen e pallatit të tyre.

Kjo pronë rrezikon shembjen, pasi figuron si pronë shtetërore që në vitin 2013.

Banorët janë shprehur për mediat se autoritetet po kërkojnë largimin e tyre nga banesat, pasi prona do t'i kalojë pronarit.

Një banore u shpreh se para disa kohësh një person i cili kishte pretenduar të jetë pronari i banesës, i kishte ofruar 5 milionë lekë, duke i kërkuar që ta lirojë shtëpinë.

E moshuara u shpreh se ajo jetonte ne atë godinë që prej vitit 1980 dhe se tani autoritetet po presin që ata të lëshojnë shtëpitë.

"Prej 3 javësh na kanë thënë që duhet të dilni nga shtëpitë. Kam që në '80 që jetoj këtu. Kam një autorizim shteti. E kam çuar edhe në gjyq. Më kanë thënë që do shembet dhe do e marrë pronari thonë. Se kush është ne nuk e dimë. Pronarët nuk kanë ardhur asnjëherë të flasë me ne. Le ta marrë pronari po më jepni një shtëpi se unë nuk kam ku të rri. Ku të shkoj unë me 20 mijë lekë pension.

Ka ardhur një person që pretendonte se ishte pronar dhe më tha na merr 5 mln lekë dhe dil jashtë.

Unë nuk bindem nuk dal nga shtëpia, unë do t'i djeg se nuk kam ku të shkoj.”- tha banorja./CNA.al





Lajmet e fundit nga