web counter
LEXO PA REKLAMA!

SHKARKO APP

App Store
Google Play

Kostandin Luçi “nuk kursehet” ndaj “Top Channel”/ “Shqipëria Live” emision sharlatanësh, AMA të marrë masa

22 Dhjetor 2022, 22:40, Aktualitet CNA

Kostandin Luçi “nuk kursehet” ndaj “Top Channel”/

Historiani Kostandin Luçi ka reaguar me tone të ashpra ndaj emisionit “Shqipëria Live” në “Top Channel”.

Me anë të një statusi në rrjetet sociale, Luçi e cilëson këtë emision si dezinformues, për shkak se ka ftuar dhe prezantuar si prift Nikolla Xhufkën.

Ai deklaron se emisioni i “Top Channel” po promovon gënjeshtrën, ndërsa i bën thirrje Autoritetit të Mediave Audio-Vizive që të marrë masa.

“'Shqipëria Live', jeni një emision sharlatanësh. Turp t'ju vij!

Emisioni, Shqipëria Live në Top Channel, duhet të ndryshojë emrin në: Dezinformimi Live. Kjo për shumë arsye ku një prej tyre është dhe promovimi i një sharlatani si Nikolla Xhufka, (intervista e fundit me të ishte sot) i cili nuk është prift, por gazetarët dhe prezantuesit në studio e paraqesin si të tillë fatkeqësisht. Kjo s'është rastësi, por e qëllimtë nga një media e cila përsëri fatkeqësisht është "kombëtare". Por, përsëri ky emision fton live një gënjeshtar për çështje që edhe pse janë gënjeshtra, ajo i promovon si të vërteta. Nuk mund ta kuptoj sesi e keqja dhe gënjeshtra mund të promovohet si e mirë dhe e vërtetë. Si mund të flasë për një problem të tillë një individ që nuk e ka idenë më të vogël të asaj që flet. Ai nuk është klerik, kisha Orthodokse se njeh si të tillë dhe asnjë kishë në botë nuk e njeh si të tillë. Autoriteti i Mediave Audio-Vizive (AMA) ku jeni? Pse nuk kryeni detyrën tuaj ndaj këtij emisioni  që e meriton titullin: Dezinformimi Live. Nuk është për tu habitur sepse media të tilla janë media të shitura dhe media sharlatane ashtu si dhe këta që drejtojnë këtë emision famëkeq”, shkruan historian./ B.A. – CNA.al





Lajmet e fundit nga