E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Top Channel” e akuzoi për sekser/ Tani e përdor si ekspert kundër prokurorëve

22 Dhjetor 2022, 17:50, Aktualitet CNA

“Top Channel” e akuzoi për sekser/ Tani e përdor si

Fotomontazh

Sot “Top Channel” ka gjetur një ekspert, një ekspert kundër prokurorëve, pasi e gjithë beteja që bën “Top Channel” duket sikur është “një luftë” gjoja kundër korrupsionit.

Në fakt është një lojë për të mbrojtur skenaristët e aferës së inceneratorëve dhe për këtë sot ka gjetur një ekspert, por ky është një sulm i drejtpërdrejtë kundër prokurorëve.

Gjithçka po ndodh dhe gjithçka çfarë lexohet është qartazi një sulm dhe akuza ndaj prokurorëve të çështjes.

Kush po e përdor "Top Channel" për inceneratorët?/ Mos vallë ortakët e Vjollca Hoxhës në kërkim
15 Dhjetor, 14:58

Qëllimi i parë është për të bërë të mundur përjashtimin e prokurorëve të çështjes.

Qëllimi i dytë është që të zvarritet çështja e të bëhet tërkuzë, të rihetohet, të kalojnë afatet ligjore, të hiqen akuzat e rënda dhe në fund të vihet thjeshtë dhe vetëm një evazion i vogël fiskal.

Nga ana tjetër, të shpëtohet Mirel Mërtiri që të marrë strehim politik që po e kërkon për të siguruar veten e tij në Vjenë, së bashkë me zyrtarë të tjerë të inceneratorëve.

Fotomontazh - Mirel Mërtiri dhe inceneratori i Elbasanit

Ajo që duket është e qartë, nuk ka asgjë tjetër më shumë sesa një sulm ndaj prokurorëve të çështjes. Ky është thelbi i gjithçkaje që po bën sot “Top Channel” dhe këtë e bën duke përdorur avokatët, të cilët i ka denoncuar.

Sot “Top Channel” ka nxjerrë një intervistë me avokatin Ermal Hamataj, i cili ka thënë se: “Duke iu referuar nenit 149 të kodit të procedurës penale SPAK duhet të inicionte kryesisht një hetim aq më tepër që për rastin konkret ndaj zotit Ahmetaj ka dhe kallëzime. SPAK është i detyruar të administrojë provat”.

Opozitë nga “Top Channel” apo “Top Inceneratori”
9 Dhjetor, 12:11

“Top Channel” me këto kronika po bën kamuflazh, duke përdorur ekspertë dhe në këtë rast ka gjetur juristin Ermal Hamataj.

Në fakt në po sjellim një kronikë të vitit 2019, kur eksperti Hamataj është denoncuar nga emisioni investigativ “Fiks Fare” po në “Top Channel” se ka bërë rolin e sekserit për të bllokuar vendimin e Gjykatës për një pallat 13 katësh, të ndërtuar me dokumente false.

Ermal Hamataj

Sipas “Fiks Fare” atëherë, “për muaj me radhë, avokati Ermal Hamataj pranon se ka bllokuar zbardhjen e një vendimi, që urdhëronte Hipotekën e Lushnjës që të mos regjistronte një pallat 13 katësh, pasi ishte ndërtuar duke përdorur dokumente të falsifikuara.

Madje, avokati Hamataj pranon se ka marrë para nga disa palë në të njëjtin proces dhe i kërkon një avokati tjetër që ta paguajë vetëm të tërhiqet nga kjo çështje. Me zë dhe figurë, avokati thotë se “zgjedh të paguhem për një çështje nga 3 palë”, duke hedhur hije të forta dyshimi për ndërtimin e pallatit shumëkatësh në qytetin e Lushnjës, me dokumente tërësisht false”.

Qartazi kronikat e “Top Channel” po përdoren si kamuflazh me gjoja sulmet kundër qeverisë e betejë kundër korrupsionit apo ndonjë ministri të Ramës.

Fotomontazh - Vjollca Hoxha dhe "Top Channel"

Por në fakt thelbi është vetëm një dhe vetëm një. Po kërkojnë të godasin prokurorët. Gjërat duken të qarta. Aq keq kanë ngelur sa harrojnë të kërkojnë se kush janë njerëzit që kanë denoncuar.

Tani kë “Top Channel” të besojmë, të besojmë “Top Channel”-in që thotë se avokati është sekser apo “Top Channel”-in që na thotë se është ekspert. Cili nga këta të dy është. Topi duhet të jetë dhe më i qartë pavarësisht se po bën avokatinë e inceneratorëve me këto skema skandaloze./ CNA.al

Këtu gjendet video e denoncimit (kliko këtu). Në rast se nuk hapet është fshirë, por ne kemi një kopje origjinale.

Denoncimi i "Fiks Fare" për avokatin Ermal Hamataj në vitin 2019:

“Top Channel” e akuzoi për sekser/ Tani e përdor si