web counter
LEXO PA REKLAMA!

SHKARKO APP

App Store
Google Play

E fundit!

x

Projektligji "Për barazinë gjinore"/ Vëllazëria Ungjillore e Shqipërisë: Deputetët mos ta votojnë, sjell pasoja serioze për shoqërinë

5 Nëntor 2025, 16:43, Aktualitet CNA

Projektligji "Për barazinë gjinore"/ Vëllazëria

Vëllazëria Ungjillore e Shqipërisë ka deklaruar përmes një reagimi se janë kundër miratimit në Kuvend të projektligjit të ri “Për barazinë gjinore”. Në reagim thuhet se ky projektligj shkon përtej konceptit të barazisë gjinore, duke rishkruar sipas tyre, përkufizimin e gjinisë dhe duke hapur rrugë për ideologji që bien ndesh me vlerat biblike, familjare dhe kulturore të shoqërisë shqiptare.

VUSH shprehet se miratimi i projektligjit mund të sjellë pasoja serioze: për edukimin e fëmijëve, kuptimin tradicional të familjes dhe lirinë e besimit, si një nga të drejtat themelore të njeriut në një shoqëri demokratike.

Në reagim gjithashtu i bëhet thirrje të gjithë deputetëve aktualë të Kuvendit mos ta votojnë këtë ligj. Vëllazëria Ungjillore e Shqipërisë fton gjithashtu të gjitha kishat që të luten për vendin, për drejtuesit e tij dhe për ruajtjen e vlerave themelore të familjes, jetës dhe besimit.

Reagimi i plotë:

Vëllazëria Ungjillore e Shqipërisë, si përfaqësuese e Komunitetit Ungjillor dhe pjesë e Këshillit Ndërfetar të Shqipërisë, i cili ka bërë një deklaratë të mëparshme lidhur me projektligjin e ri “Për barazinë gjinore”, ndjek me shqetësim të thellë zhvillimet për këtë projektligj i cili pritet të votohet së shpejti në Kuvendin e Shqipërisë.

Ne theksojmë se jemi plotësisht në mbështetje të barazisë dhe dinjitetit të çdo qenieje njerëzore, si burra dhe gra, të krijuar në shëmbëlltyrën e Perëndisë. Megjithatë, ky projektligj, në formën aktuale, shkon përtej konceptit të barazisë gjinore, duke rishkruar përkufizimin e gjinisë dhe duke hapur rrugë për ideologji që bien ndesh me vlerat biblike, familjare dhe kulturore të shoqërisë shqiptare.

Jemi kundër miratimit të këtij projektligji sepse mund të sjellë pasoja serioze për:

• edukimin e fëmijëve, përmes futjes së koncepteve ideologjike në sistemin arsimor,

• kuptimin tradicional të familjes, si bashkim midis burrit dhe gruas,

• dhe lirinë e besimit, si një nga të drejtat themelore të njeriut në një shoqëri demokratike.

Si komunitet fetar që kontribuon prej dekadash në jetën shpirtërore, sociale dhe humane të vendit, i drejtohemi të gjithë deputetëve të legjislaturës aktuale të reflektojnë dhe mos ta votojnë këtë ligj i cili në të ardhmen do të ketë pasojat e sipërpërmendura.

Në të njëjtën kohë, ftojmë të gjitha kishat tona që të luten për vendin, për drejtuesit e tij dhe për ruajtjen e vlerave themelore të familjes, jetës dhe besimit.

Zoti e bekoftë Shqipërinë dhe i dhëntë udhëheqësve tanë urtësi dhe drejtësi në vendimmarrje.

Komiteti Ekzekutiv

Vëllazëria Ungjillore e Shqipërisë

/CNA





Lajmet e fundit nga