web counter
LEXO PA REKLAMA!

SHKARKO APP

App Store
Google Play

Procesi në GJKKO/ Klodiana Lala: Ramës mund t’i vijë radha të thirret si dëshmitar në vjeshtë

16 Prill 2026, 22:23, Aktualitet CNA

Procesi në GJKKO/ Klodiana Lala: Ramës mund t’i vijë radha

Gazetarja Klodiana Lala tha sot se kryeministri Edi Rama mund të thirret si dëshmitar në GJKKO për dosjen “Partizani” rreth periudhës së vjeshtës.

E ftuar në emisionin "Të Paekspozuarit", Lala theksoi se Rama është i detyruar të shkojë në Gjykatën e Posaçme, pikërisht prej cilësimit si dëshmitar dhe se ndryshe nga një president, nuk mund të pyetet në zyrë.

"I kam ndjekur proceset. Zoti Gjokutaj pretendon se që gjykata të marrë vendim të drejtë duhet të dëgjojë dëshminë e Ramës, për shkak se ka bërë përmes 12 firmave ndryshimin e destinacionit të pronës së ish klubit sportiv Partizani. Gjykata çmoi se kjo duhet marrë parasysh. Ka një listë të gjatë me dëshmitarë, do të jetë Balla javën tjetër, pasi është kallëzuesi. Më pas do të vijnë një sërë dëshmitarësh, aktet e ekspertimit. Nga vjeshta mendohet se mund të vijë rradha të pyetet Edi Rama, si dëshmitar i mbrojtjes. Avokatët insistojnë që Rama të shpjegojë pse bëri ndryshimin e destinacionit të kësaj prone. Ndërkohë, zoti Rama është i detyruar të paraqitet në seancë. Vetëm Presidenti mund të pyetet në zyrë. Si dëshmitar duhet të paraqitet përpara gjykatës",-tha Lala./CNA

 





Lajmet e fundit nga