web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi: Rama të vijë të përgjigjet për lidhjen me biznesmenin e akuzuar për mashtrim

16 Prill 2026, 13:05, Aktualitet CNA

Këlliçi: Rama të vijë të përgjigjet për

Deputeti i Partisë Demokratike, Belind Këlliçi, gjatë fjalës së tij në seancë plenare ka akuzuar kryeministrin Edi Rama për lidhje “korruptive” me biznesmenin Ron Yeffet. Ky i fundit, sipas Këlliçit, akuzohet për mashtrim me vlerë 6.7 milionë dollarë nga një biznesmen amerikan.

Deputeti u shpreh se prova që fakton lidhjen e Ramës me Yeffet është një udhëtim i kryeministrit Rama në Francë, që, sipas tij, nuk ishte për agjendë zyrtare, por “për të festuar ditëlindjen e bashkëshortes së mikut të tij”.

Ndër të tjera, ai shprehet se lidhja e Ramës me biznesmenin është rrezik për sigurinë kombëtare dhe se kryeministri duhet të paraqitet në Kuvend dhe t'u përgjigjet pyetjeve të drejtuara nga ai dy ditë më parë.

"Të enjten e 8 tetorit të vitit 2020 Rama nuk kishte udhëtuar për një agjendë zyrtare drejt Francës. Edi Rama në atë të enjte Parlamenti, sikundër ndodh përherë, ndodh edhe sot, nuk është prezent në sallë. Kishte udhëtuar drejt Parisit për të festuar ditëlindjen e bashkëshortes së mikut të tij Ron Yeffet. Ky, të dashur shqiptarë, nuk është thjesht një udhëtim miqësor, por rezulton se do të jetë dhe prova e pushtetit e të akuzuarit për mashtrim, Ron Yeffet, për t'i zhvatur një shtetasi amerikan Mark Fajst plot 7.6 milionë dollarë. Pra, të nderuar qytetarë, ky udhëtim është prova që lidh drejtpërdrejtë dhe fakton lidhjen korruptive të Ron Yeffetit dhe të kryeministrit shqiptar Edi Rama.

Sot, miku mashtrues ka në dorë fatin e industrisë së armëve në Shqipëri. Me dy VKM nominale, Edi Rama ka lënë në dorë të Yefet-it jo vetëm këtë industri, por dhe fatin tonë në NATO. Kjo është arsyeja pse në fakt sot është anuluar edhe interpelanca urgjente me ministrin e Mbrojtjes Ermal Nufi. Edi Rama vazhdon të qëndrojë në krye të qeverisë, edhe pse tashmë është faturuar jo vetëm miqësia e tij e ngushtë me Ron Yeffet-in, një fakt publik formal dhe informal që e di çdo qytetar në Tiranë, e di çdo rreth biznesi në Tiranë, por është faturuar dhe dhurata qindra milionë euro që i është bërë atij me dy VKM personale nga kryeministri i Shqipërisë Edi Rama.

Sot në fakt Edi Rama duhet të ishte në këtë sallë dhe të përgjigjej për pyetjet publike që i kam drejtuar prej tri ditësh kur kam denoncuar lidhjen e një kontrate midis kompanisë SMX dhe kompanisë RNI Trading në New York, në pronësi të shtetasit Ron Yeffet në janar të vitit 2024. I ribëj edhe njëherë pyetjet nga kjo sallë Kuvendi drejtuar kryeministrit të Shqipërisë. A është Shqipëria vendi anëtar i NATO-s në kontratën e paspecifikuar me SMX dhe kompanisë së mashtruesit Ron Yeffet? Në rast se është Shqipëria ky shtet, në cilën procedurë ligjore konkurruese është përzgjedhur kompania e Ron Yeffet-it për të bërë ndërmjetësimin për vendin tonë në një kontratë me anëtarin e NATO-s? A po rrezikon kreu i qeverisë shqiptare sigurinë kombëtare dhe atë të partnerëve në aleancë duke lënë në dorë të një të akuzuari për mashtrim industrinë e armëve të Shqipërisë? A rrezikon anëtarësimin në NATO Shqipëria me këto manovra korruptive pas bllokimit të procesit të integrimit prej çështjes së Belinda Ballukut? Në një vend normal, të dashur miq, do të mjaftonte hija e dyshimit për të kërkuar një transparencë të plotë për këtë megaskandal. Në një vend serioz mjafton rreziku ndaj NATO-s për të kërkuar përgjegjësi politike dhe shpjegime të menjëhershme nga kreu i qeverisë dhe ministri i Mbrojtjes", tha Këlliçi. /CNA





Lajmet e fundit nga