web counter
LEXO PA REKLAMA!

SHKARKO APP

App Store
Google Play

"Qëndrimi i BE-së, i njëjtë me të opozitës"/ Bozdo: Ligji për portet turistike të mos dekretohet

16 Prill 2026, 11:13, Aktualitet CNA

"Qëndrimi i BE-së, i njëjtë me të

Deputeti i PD-së, Enno Bozdo, ka folur në seancë plenare lidhur me miratimin e ligjit për portet turistike.

Bozdo është shprehur se reagimi i delegacionit të BE-së në Tiranë ishte i njëjtë me qëndrimet e opozitës mbi këtë ligj. Ai bëri thirrje që presidenti të mos e dekretojë ligjin dhe ta kthejë mbrapsht.

“Thirrja unanime nga deputetët e opozitës në komisionet parlamentare ka qenë që ligji për portet turistike të mos miratohet dhe të kthehet mbrapsht. E patë reagimin e BE-së, që në thelb i nxori 100% të vërtëta qëndrimet e opozitës. BE e rrëzoi ligjin që miratuat me të njëjtat argumentet si opozita. BE iu referua edhe ligjit për investitorët që tha se duhet shfuqizuar. Ne kemi thënë në seancën e kaluar se ai ligj dëmton konkurrencën dhe është klientelist. Presidenti të mos e dekretojë dhe ta kthejë mbrapsht atë ligj”, tha Bozdo.

Delegacioni i Bashkimit Europian u shpreh një ditë më parë se ndryshimet në ligjin për portet turistike duhet të vlerësohen nga afër nga ata, veçanërisht në fushën e prokurimit publik dhe përputhshmërinë e tyre me legjislacionin e BE-së.

Ndër të tjera, në reagim thuhej se teksti i ri përfshin dispozita të pranishme në Ligjin për Investitorët Strategjikë. Sipas tyre, ky është një ligj që pritet të shfuqizohet si pjesë e hapave të Agjendës së Reformave dhe në kuadër të kushteve përmbyllëse për Kapitullin 27. /CNA





Lajmet e fundit nga