web counter
LEXO PA REKLAMA!

SHKARKO APP

App Store
Google Play

Veliaj vazhdon të zvarrisë proceset gjyqësore/ Aulon Kalaja: Nuk bëj asnjë hap pas

16 Prill 2026, 11:08, Aktualitet CNA

Veliaj vazhdon të zvarrisë proceset gjyqësore/ Aulon Kalaja: Nuk

Aktivisti dhe gazetari Aulon Kalaja ka bërë me dije se edhe seanca e fundit gjyqësore me Erion Veliajn është shtyrë, kjo si pasojë se kryebashkiaku i arrestuar vazhdon të zvarrisë proceset gjyqësore.

Kalaja ka theksuar se padia e bërë nga Veliaj është strategjike me qëllim intimidimin, frenimin dhe heshtjen e tij.

Ai ka nënvizuar se u qëndron deklaratave të tij dhe nuk do të bëjë asnjë hap pas.

Kalaja shkruan se lufta 15-vjeçare me “viktimën akuzuese”, në këtë rast Veliaj, është publike dhe refuzon çdo prapaskenë, ndaj ka kërkuar të gjykohet.

“U zhvillua seanca e 15-të gjyqësore ku Kryetari i Bashkisë Tiranë Erion Veliaj, më ka paditur për shpifje!

Paraqitëm konkluzionet e gjyqit që ka filluar me 24 tetor 2025. Gjithashtu iu la kohë prokurores për konkluzionet.

Që në krye të herës kam deklaruar se këtu kemi të bëjmë me një “padi strategjike”, me qëllim intimidimin, frenimin dhe heshtjen time, ndaj Veliajt.

I qëndroj të gjitha deklarateve publike dhe nuk bëj asnjë hap pas. Lufta ime 15- vjeçare me “viktimën akuzuese” është publike dhe refuzoj çdo prapaskenë. Prandaj kam kërkuar të gjykohem.

Seanca e radhës u la me datë 27 prill, ora 09:15”, shkruan Aulon Kalaja./ CNA





Lajmet e fundit nga