web counter
LEXO PA REKLAMA!

SHKARKO APP

App Store
Google Play

E fundit!

x

Policë “dru” që kapin dru/ Pogradec, krimi “goditet” në zemër

28 Korrik 2022, 14:24, Aktualitet CNA

Policë “dru” që kapin dru/ Pogradec, krimi

Në Pogradec, ka Polici e policë që meritojnë medalje. Çdo ditë ata luftojnë krimin me drutë e pyllit.

U janë qepur keq drurëve të pyllit sa po t'i shohin edhe në qytet, shkojnë dhe i sekuestrojnë.

Më pas superaksionin e shënojnë e bllokun e “sukseseve” dhe që andej ua përcjellin mediave.

Arritjet duhen bërë publike edhe kur janë ordinere. Kjo duket se është motoja e Policisë së Pogradecit.

Këtë radhë, krimin e kanë luftuar dhe goditur keq aty, ku s’mban më. I kanë prekur pikën e dobët.

Kanë nisur hetimet për një shtetas nga fshati Stropskë, Pogradec, se e kanë kapur me dru. Jo të bërë “dru”, por me një krah dru zjarri, në pamundësi për t’i blerë.

Duke dashur ta trumbetojnë si sukses, kanë dalë blof, pasi informacioni i dërguar mediave është copë-copë, saqë duket qartë që policët “dru”, kanë kapur dru.

Shkruajnë për një sasi dru zjarri, por nuk e thonë sasinë. Kanë shkëlqyer me pak fjalë, siç mund të lexohet në njoftimin e mëposhtëm.

“Specialistët për Hetimin e Krimeve në Komisariatin e Policisë Pogradec referuan materialet në Prokurori dhe filloi procedimi penal në gjendje të lirë për shtetasin M. Sh., banues në fshatin Stropskë, Pogradec, për veprat penale “Prerja e paligjshme e pyjeve” dhe “Drejtimi i automjeteve në mënyrë të parregullt”.

Ky shtetas u kap nga shërbimet e Policisë, në fshatin Stropskë, Pogradec, duke transportuar me mjetin kamion tip “Benz”, të cilin e drejtonte pa leje drejtimi, një sasi dru zjarri pa lejen përkatëse”, thuhet në njoftimin e Policisë./CNA.al





Lajmet e fundit nga