web counter
LEXO PA REKLAMA!

SHKARKO APP

App Store
Google Play

E fundit!

x

“Po nxjerr paratë e krimit jashtë vendit”/ Vokshi: Do të kërkojmë komision hetimor për udhëtimet e Ramës

22 Korrik 2026, 11:06, Aktualitet CNA

“Po nxjerr paratë e krimit jashtë vendit”/ Vokshi: Do

Deputetja Albana Vokshi ka bërë me dije se opozita do të rikthejë kërkesën për ngritjen e një komisioni hetimor për udhëtimet e kryeministrit Edi Rama.

Vokshi ka akuzuar Ramën se po përdor familjen për të nxjerrë jashtë vendit paratë e krimit.

“Deklarata e eurodeputetit të Parlamentit Europian, Tomas Zdechovsky, anëtar i Grupit të Partisë Popullore Europiane (EPP), është një nga sinjalet më serioze që ka marrë ndonjëherë qeveria shqiptare nga një përfaqësues i institucioneve europiane.

Zoti Zdechovsky  ka qenë pjesë e misionit zyrtar faktmbledhës të Komisionit për Kontrollin e Buxhetit të Parlamentit Europian në Shqipëri, në shtator 2025, të cilët pas takimeve të zhvilluara me qeverinë shqiptare arriën ne konkluzione shqetësuese duke konstatuar korrupsion te përhapur e te rrënjosur, lidhje me krimin e organizuar, prokurime me vonesa kronike në infrastrukturë, presion politik mbi organet mbikëqyrëse, ndjekje te dobët gjyqësore, margjinalizim te shoqërisë civile dhe keqpërdorim te fondeve të BE-së.

Në një intervistë publike, te dy diteve me pare Zdechovský shkoi edhe më tej, duke thënë hapur se korrupsioni nuk do të jetë kurrë pjesë e Bashkimit Europian, dhe se nëse Edi Rama vazhdon të keqpërdorë pushtetin në mënyrë antidemokratike, Shqipëria nuk do të bëhet kurrë anëtare e BE-së.

Ai shtoi se i njëjti mesazh i është përcjellë Ramës edhe nga Ambasada Amerikane dhe partnerë të tjerë ndërkombëtarë. Më tej, ai zbuloi se institucionet europiane po ndjekin lëvizje financiare dhe po verifikojnë pretendime për transferim pasurish e parash jashtë vendit nëpërmjet familjarëve të Kryeministrit. Ai tha se ky eshte mesazhi, dhe Edi Rama e kupton shume mire kete mesazh.

Keto jane akuza jashtëzakonisht të rënda, të bëra publikisht nga një zyrtar i lartë europian. Mesazhi i qarte per qytetaret, Edi Rama po pengon procesin e integrimit. E megjithatë, deri më sot, Kryeministri Rama vazhdon të heshtë, si asnjehere tjeter.

Partia Demokratike kërkon: sqarim publik nga Edi Rama;  Nisjen e hetimit të SPAK në bashkëpunim me partnerët ndërkombëtarë; bashkëpunim të plotë të institucioneve shqiptare me autoritetet europiane;  dhe rikthimin e kërkesës për Komision Hetimor Parlamentar mbi udhëtimet me charter të Kryeministrit.

Shqiptarët kanë të drejtën e së vërtetës: nëse akuzat janë të pavërteta, le të provohet me transparencë; por nëse janë të vërteta, askush nuk mund të jetë mbi ligjin”, shkruan Vokshi.





Lajmet e fundit nga