web counter
LEXO PA REKLAMA!

SHKARKO APP

App Store
Google Play

Plagosje me thikë në Tiranë/ Arrestohet një person, një tjetër në kërkim

2 Dhjetor 2025, 14:02, Kronika CNA

Plagosje me thikë në Tiranë/ Arrestohet një person, një

Një plagosje me thikë ka ndodhur ditën e sotme në rrugën “Irfan Tomini” në Tiranë. Sipas informacioneve policore, lidhur me ngjarjen është arrestuar 45-vjeçari E. U., dhe u shpall në kërkim i riu G. I.

Ngjarja ka ndodhur gjatë një konflikti për motive të dobëta, ku i plagosur mbeti 43-vjeçari me iniciale M.A., i cili ndodhet jashtë rrezikut për jetën. Bëhet gjithashtu me dije se gjatë kontrollit të banesës së 45-vjeçarit u gjetën 3 armë të ftohta, ndërsa në banesën e 29-vjeçarit u gjet një sasi lënde narkotike e dyshuar kanabis.

“Specialistët për Hetimin e Krimeve të Komisariatit të Policisë Nr. 2: arrestuan shtetasin E. U, 45 vjeç si dhe shpallën në kërkim shtetasin G. I., 29 vjeç, pasi dyshohet se në rrugën “Irfan Tomini” gjatë një konflikti të çastit për motive të dobëta, kanë goditur me një mjet prerës shtetasin M. A., 43 vjeç, i cili ndodhet në spital, jashtë rrezikut për jetën. Gjatë kontrollit të banesës së shtetasit E. U, u gjetën 3 armë të ftohta ndërsa në banesën e 29-vjeçarit u gjet një sasi lënde e dyshuar narkotike kanabis”, thuhet në njoftimin e policisë. /CNA 





Lajmet e fundit nga