web counter
LEXO PA REKLAMA!

SHKARKO APP

App Store
Google Play

Tentoi të kalonte në kufi bizhuteri me vlerë rreth 50 000 euro/ Vihet në pranga 33-vjeçari në Morinë

2 Dhjetor 2025, 13:12, Kronika CNA

Tentoi të kalonte në kufi bizhuteri me vlerë rreth 50 000 euro/

Një 33-vjeçar është arrestuar në doganën e Morinës pasi tentoi të kalonte në mënyrë kontrabandë sende me vlerë. Në pranga është vënë shtetasi me iniciale Q. S.

Gjatë kontrollit të automjetit që ai drejtonte, policia gjeti bizhuteri floriri dhe ora dore, të cilat ai nuk i kishte deklaruar sipas ligjit. Bizhuteritë, me vlerë rreth 50 000 euro, u sekuestruan në cilësinë e provës materiale, së bashku me automjetin.

33-vjeçari u arrestua për veprat penale "Kontrabanda me mallra të tjera" dhe “Mosdeklarimi në kufi i të hollave dhe i sendeve me vlerë”.

Njoftimi i policisë:

Kukës

Goditet një rast i tentativës për të kontrabanduar sende me vlerë.

Sekuestrohen bizhuteri floriri dhe ora dore, me vlerë rreth 50 000 euro, dhe një automjet.

Vihet në pranga drejtuesi i automjetit.

Shërbimet e Policisë Kufitare Morinë, në vijim të kontrolleve për goditjen e krimeve ndërkufitare, bazuar në analizën e riskut dhe në kontrollet me përzgjedhje, në hyrje të RSh-së, kanë kaluar në vijën e dytë, për kontroll më të detajuar, automjetin tip "Audi”, me drejtues shtetasin Q. S..

Gjatë kontrollit në automjet, shërbimet e Policisë gjetën bizhuteri floriri dhe ora dore, të cilat ai nuk i kishte deklaruar sipas ligjit. Bizhuteritë u sekuestruan në cilësinë e provës materiale, së bashku me automjetin.

Në përfundim të veprimeve procedurale, specialistët për Hetimin e Krimeve të DVKM Kukës arrestuan në flagrancë shtetasin Q. S., 33 vjeç, banues në Gjermani, për veprat penale "Kontrabanda më mallra të tjera" dhe “Mosdeklarimi në kufi, i të hollave dhe i sendeve me vlerë”.

Materialet procedurale iu referuan Prokurorisë pranë Gjykatës së Shkallës së Parë të Jurdiksionit të Përgjithshëm Kukës, për veprime të mëtejshme. /CNA





Lajmet e fundit nga