web counter
LEXO PA REKLAMA!

SHKARKO APP

App Store
Google Play

Pezullohet mësuesi pedofil/ Pas arrestimit të 59-vjeçarit reagon Kushi

18 Janar 2023, 11:13, Aktualitet CNA

Pezullohet mësuesi pedofil/ Pas arrestimit të 59-vjeçarit

Ministrja e Arsimit, Evis Kushi, ka reaguar pas arrestimit të mësuesit 59-vjeçar nga Tepelena, Kleanthi Laçi, për ngacmim seksual të dy të miturave.

Me anë të një njoftimi në rrjete sociale, Kushi shkruan se e kanë ndjekur nga afër ngjarjen dhe sot është marrë masa e pezullimit nga puna kundrejt tij.

Nxënëses menjëherë i është ofruar ndihmë nga punonjësit e shërbimit psiko-social dhe gjithashtu drejtoria dhe stafi i shkollës do të vijojnë mbështetjen për vajzën dhe familjen e saj, për ta kapërcyer këtë situatë.

“Kemi ndjekur nga afër ngjarjen e ditëve të fundit të ndodhur në Tepelenë, ku një mësues është dhunuar, pasi akuzohet nga familjarët për abuzim ndaj vajzës së tyre.

Për mësuesin është marrë masa e ndalimit nga policia dhe Zyra Arsimore Tepelenë ka marrë sot vendimin për pezullimin e mësuesit nga puna deri në përfundimin e plotë të hetimeve.

Nxënëses menjëherë i është ofruar ndihmë nga punonjësit e shërbimit psiko-social dhe gjithashtu drejtoria dhe stafi i shkollës do të vijojnë mbështetjen për vajzën dhe familjen e saj, për ta kapërcyer këtë situatë.

Besojmë fort se organet e drejtësisë do ta zbardhin shumë shpejt të vërtetën e kësaj ngjarjeje dhe do të marrin vendimet e duhura ligjore.

Siç e kemi bërë të ditur edhe më parë, qëndrimi ynë për këto raste është i prerë dhe nëse vërtetohet fajësia, krahas dënimit nga organet e drejtësisë, personat përgjegjës përjashtohen përgjithmonë nga sistemi arsimor.

Për këtë arsye, kemi përfshirë një nen të ri në Ligjin për Arsimin Parauniversitar, i cili do të miratohet së shpejti në Kuvendin e Shqipërisë. Ne nuk do të lejojmë të punojë në institucionet tona arsimore askënd që cenon shëndetin dhe mirëqenien e nxënësve tanë”, njofton Kushi./CNA.al





Lajmet e fundit nga