E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Përplasjet në Aeroportin e Vlorës/ Pacolli, "shuplakë" Valon Llukës: Nuk të mjaftoi paga prej 30 mijë eurosh?

18 Maj 2026, 16:36, Aktualitet CNA

Përplasjet në Aeroportin e Vlorës/ Pacolli,

Biznesmeni Behgjet Pacolli ka reaguar në lidhje me përplasjen e sotme në ambientet e Aeroportit Ndërkombëtar të Vlorës, ku punonjësit e kompanisë “Mabco” nuk janë lejuar të hyjnë në ambientet e aeroportit dhe pengesa ka ardhur nga përfaqësues të kompanisë tjetër koncesionare “2A”.

Sipas Pacollit, ajo që po ndodh në Vlorë, terrorizimi i grupeve kriminale ndaj punonjësve të investitorit të vetëm Mabco, i inkurajuar nga vendime gjyqësore të përkohshme, joligjore dhe jokushtetuese, e ka zanafillën te veprimet e pamoralshme, të dënueshme, mashtruese dhe tradhtare të Valon Llukës.

Pacolli përmes reagimit të tij i është drejtuar me një sërë pyetjesh Valon Llukës duke theksuar se ka thyer besimin e tij.

Ndër të tjera, Pacolli hedh akuza për falsifikime dokumentesh dhe vulash.

“Kjo që po ndodh në Vlorë, ky terrorizim i grupeve kriminale ndaj punonjësve të investitorit të vetëm Mabco (pronarit të 98% të kuotave), i cili është i ekspozuar me mbi 300 milionë euro në Vlorë, i inkurajuar nga vendime gjyqësore të përkohshme, joligjore dhe jokushtetuese, e ka zanafillën te veprimet e pamoralshme, të dënueshme, mashtruese dhe tradhtare të Valon Llukës. Ai erdhi në grupin Mabetex, kaloi nëpër shumë funksione, u pasurua dhe në fund, pas 18 vitesh, tregoi fytyrën e tij të vërtetë dhe tradhtoi besimin që ia kishim dhënë.

Siç po e shihni, prej 9 muajsh jemi duke u përballur çdo ditë me trauma marramendëse, në kërkim të së drejtës dhe në përpjekje për të evituar më të keqen.

Tani po te drejtohem ty, A nuk të mjaftonte paga prej 30 mijë eurosh (me të gjitha të mirat e mirëkuptimin që kishe), por fute duart edhe te tjetërsimi i pronës që nuk është e jotja. Si munde ta shesësh pronën e huaj? Kush të shtyu ta bësh atë? E bëre për një përqindje, ashtu siç të kishte premtuar partneri yt në këtë vepër kriminale, nëse do ta kryenit me sukses këtë akt të shëmtuar.

Ti falsifikove dokumente, vula dhe çdo gjë tjetër. Pse, para se ta kryeje këtë akt të shëmtuar, nuk erdhe të kërkoje ndihmë, si herët e tjera? Ndoshta do të të kisha ndihmuar. Pse e mbajte këtë akt të fshehur për më shumë se 5 muaj, derisa rastësisht e zbuluam, pse unë nuk kisha bërë asnjë hulumtim, sepse kisha besim tek ti?

Ti i përbuze të gjitha: përbuze bujarinë dhe shtëpinë time. Mos harro se drejtësia, herët a vonë, vjen si rrufeja”, ka shkruar Behgjet Pacolli në reagimin e tij./ CNA