web counter
LEXO PA REKLAMA!

SHKARKO APP

App Store
Google Play

Përfundon faza e përgatitjeve për 23 majin/ Kaso: Demokratët zgjedhin me referendum kryetarin

18 Maj 2026, 15:15, Aktualitet CNA

Përfundon faza e përgatitjeve për 23 majin/ Kaso: Demokratët

Sekretari për Çështjet Ligjore në PD, Ivi Kaso, ka bërë me dije në një deklaratë për mediat se ka përfunduar faza e përgatitjeve për zgjedhjet e 23 majit, ku demokratët do të zgjedhin me referendum kryetarin e tyre.

Kaso njoftoi se në të gjitha degët e PD-së do të ngrihen qendrat e votimit, nga ora 08:00 deri në orën 18:00 ku demokratët do të hedhin votën e tyre. Ndërkohë nëpër degët e mëdha do të ngrihet më shumë se 1 qendër votimi.

Këtë të shtunë 77 degë të Partisë Demokratike në të gjithë Shqipërinë shprehen në referendum për kryetarin.

Deklarata e plotë:

Në emër të Komisionit të Organizimit dhe Kontrollit të Operacioneve Elektorale të Partisë Demokratike, njoftoj se ka përfunduar faza e përgatitjeve për procesin e datës 23 maj, ku demokratët me referendum do të zgjedhin kryetarin e tyre, sipas parimit 1 anëtar 1 votë.

Në të gjithë degët e Partisë Demokratike do të ngrihen qendrat e votimit ku, nga ora 08:00 deri në orën 18:00 demokratët janë të thirrur të votojnë masivisht, në këtë shprehje të demokracisë së drejtpërdrejtë. Nëpër degët e mëdha, sipas kërkesave, është përcaktuar se mund të ngrihet edhe më shumë se 1 qendër votimi.

Këtë të shtunë 77 degë të Partisë Demokratike në të gjithë Shqipërinë shprehen në referendum për kryetarin në një ushtrim të demokracisë.

Partia Demokratike është krenare sepse, që nga ngritja e Komisionit të Rithemelimit, deri më 23 maj, ka zhvilluar 7 procese zgjedhore të hapura, të drejtpërdrejta dhe demokratike.

Krejt e kundërta me parimin ‘një anëtar një votë’, ndodh në ‘partinë bunker’, ku prej më shumë se një dekade nuk bëhen zgjedhje dhe çdo emërim bëhet sipas parimit autokratik ‘një kryetar, një votë’.

Edhe njëherë u bëj thirrje të gjithë demokratëve të ushtrojnë të drejtën e votës në referendumin e së shtunës. /CNA





Lajmet e fundit nga