web counter
LEXO PA REKLAMA!

SHKARKO APP

App Store
Google Play

Parashikimi i Zhejit/ Me Melonin në krye, Italia më pranë Rusisë

26 Shtator 2022, 14:49, Aktualitet CNA
Parashikimi i Zhejit/ Me Melonin në krye, Italia më pranë
Analisti Artur Zheji

Analisti Artur Zheji ka parashikuar një afrim të Italisë me Rusinë, pasi zgjedhjet në shtetin fqinj i fitoi qendra e djathtë e Giorgia Melonit.

Këtë ai e lidhi me miqësinë e ish-kryeministrit Italian, Silvio Berlusconi me presidentin e Rusisë, Vladimir Putin.

Duke qenë se Berlusconi është cilësuar si “baba” i Melonit, analisti pretendon se kryeministrja e ardhshme e Italisë do të ecë në gjurmët e tij, duke u afruar me Rusinë.

“Meloni ka qenë ministre e Berluskonit dhe kemi të bëjmë me një rikthim të Berluskonit, si “baba” i Melonit. Ka qenë njeriu që ka besuar te Georgia Meloni që është sot surpriza më e madhe e këtyre zgjedhjeve. Berluskoni nuk e ka fshehur asnjëherë miqësinë e tij me Putinin. Por edhe Salvini që mendonte të shkonte të takonte Putinin pas nisjes së luftës në Ukrainë.

Kemi një votim masiv për të djathtën që kërkon një hap pas, jo një largim të Italisë nga grupi i vendeve që mbështesin Ukrainën, por një zbutje të qëndrimeve. Kjo është kartëvizita e tyre, egoizmi kombëtar mbi interesat e përbashkëta të BE-së, të cilat sipas Melonit e shohin Italinë me më pak interes, me më pak mirëdashje sesa Italia do ta shohë veten e saj. Jo më kot teza kryesore ka qenë “Italia e para” dhe sovranizmi”, theksoi Zheji në News 24./ B.A. – CNA.al





Lajmet e fundit nga