web counter
LEXO PA REKLAMA!

SHKARKO APP

App Store
Google Play

Policia e Korçës ‘shkund’ krimin/ Kap plot 'një krah me dru'

26 Shtator 2022, 14:22, Aktualitet CNA
Policia e Korçës ‘shkund’ krimin/ Kap plot
Makina e sekuestruar me dru

Teksa në vend gulon krimi, policia ka zhvilluar një aksion ku ka kapur një person duke marrë dru.

Për të reklamuar “suksesin” dhe “arritjen” e madhe, policia ka informuar sot mediat se ka kapur një makinë me dru në Maliq.

Gjatë këtij aksioni, policia ka shoqëuar e më pas ka proceduar penalisht shoferin me iniciale L.M. dhe i ka sekuestruar atij mjetin me të cilin po transportonte drutë.

Pikërisht këtë “superaksion”, policia ka dashur ta trumpetojë në media për të bërë propagandë për punën e mirë që bën, ndërkohë që pothuajse çdo ditë në vend regjistrohen plagosje dhe vrasje.

Për më tepër, për shumë prej tyre nuk janë identifikuar dhe kapur ende autorët.

“Maliq/Goditet një rast i prerjes së paligjshme të pyjeve.

Sekuestrohen një sasi lënde drusore pa dokumentacionin përkatës dhe automjeti që shërbente për ta transportuar. 

Specialistët e Seksionit për Hetimin e Krimeve të Komisariatit të Policisë Maliq, në zbatim të planit të masave për parandalimin dhe goditjen e krimeve mjedisore, kanë evidentuar dhe goditur një tjetër rast të prerjes së paligjshme të pyjeve. Në vijim të veprimeve procedurale u referuan materialet në Prokurori dhe filloi procedimi penal në gjendje të lirë për shtetasin L. M., 52 vjeç, banues në fshatin Shqitas, Maliq.

Shërbimet e Policisë e kanë konstatuar këtë shtetas, në afërsi të fshatit Novoselë, duke transportuar me automjetin kamion tip "Benz", 12 m sterë dru zjarri, pa dokumentacionin përkatës. Lënda drusore u sekuestrua në cilësinë e provës materiale, së bashku me automjetin. 

Materialet i kaluan Prokurorisë pranë Gjykatës së Rrethit Gjyqësor Korçë, për veprën penale "Prerja e paligjshme e pyjeve"", thuhet në njoftim./ B.A. – CNA.al





Lajmet e fundit nga