web counter
LEXO PA REKLAMA!

SHKARKO APP

App Store
Google Play

E fundit!

x

Mbeti jetim 4 vjeç, u rrit dhe mori gjakun e babait/ Prokuroria kërkon 8 vjet burg për 17-vjeçarin nga Lezha

26 Shtator 2022, 14:09, Aktualitet CNA

Mbeti jetim 4 vjeç, u rrit dhe mori gjakun e babait/ Prokuroria

Gjakmarrja në vendin tonë është një ndër plagët më të thella të shoqërisë shqiptare, që sado vitet kalojnë ende dëgjohen të tilla raste. Të marrësh hakun e një familjari të afërt është një zakon, i cili akoma sot tejkalon frikën ndaj burgut, edhe në rast se hakmarrësi mund të jetë një i mitur. 

Kjo është historia e një 17-vjeçari nga fshati Manati i Lezhës, i cili mori hakun e të atit më 24 janar të këtij viti, duke i marrë jetën personit, i cili i vrau babain. 

Bëhet fjalë për të ndjerin Florian Përvathi, i cili vrau Lekë Lekgjonaj 65 vjeç. Shkak ishte bërë fakti se vëllai i 65-vjeçarit i kishte vrarë babain, Florian Pervathit 13 vite më parë. Një sagë e vërtetë hakmarrjesh. 

Ndue Lekgjonaj, vëllai i Lekës, i mori jetën në vitin 2009 dhe po atë ditë nëna e Florianit piu fotoksinë duke i dhënë fund jetës, duke lënë kështu pas dy viktima nga kjo ngjarje e rëndë dhe Florian Pervathi mbeti jetim që në moshën 4-vjeçare. 

Floriani u rrit dhe në Janar të këtij viti shkoi për të marrë hakun e babait të tij, ndërkohë që sot Prokuroria e Lezhës ka kërkuar 8 vjet burgim për djaloshin. 

Ai akuzohet për: ‘vrasje për gjakmarrje’ dhe ‘mbajtje pa leje e armëve dhe municioneve luftarake’. Organi i akuzës e ka të vërtetuar tashmë se Floriani e ka kryer vrasjen me paramendim për motive hakmarrjeje, kjo pasi vëllai i viktimës (personit që 17-vjeçari vrau) i kishte vrarë të atin kur ky ishte vetëm 4 vjeç.

I pyetur nga organet kompetente se ku e kishte siguruar armën, i riu ka treguar se e kishte siguruar një vit më parë në Shkodër./CNA.al





Lajmet e fundit nga