web counter
LEXO PA REKLAMA!

SHKARKO APP

App Store
Google Play

E fundit!

x

Ngjarjet në Zvërnec/ Hita, me autokritikë: Policia u tregua e fjetur, urdhër për hetim të plotë

1 Qershor 2026, 13:17, Aktualitet CNA

Drejtori i Përgjithshëm i Policisë së Shtetit, Skënder Hita, u shpreh sot lidhur me ngjarjet e shënuara dy ditë më parë gjatë tubimit në zonën e Zvërnecit.

Në një konferencë për shtyp, Hita tha se policia e Vlorës u shfaq e fjetur dhe joprofesionale, duke mos ndërhyrë në kohë.

Hita theksoi se për rastin ka kërkuar ngritjen e një grupi të posaçëm hetimor për veprimet e kryera në tubim, por edhe një hetim për zinxhirin drejtues të policisë atje, teksa po të njëjtën ditë mori masën e pezullimit nga detyra të drejtorit të Policisë së Vlorës, Elidon Çela.

“I kërkoj Drejtorisë së Policisë Vlorë që të jetë sa më e hapur, sa më aktive dhe profesionale në shërbim të qytetarëve dhe ligjit, si edhe të mos përfaqësohet kurrsesi dhe në asnjë rast para publikut me dobësinë e papranueshme të tri ditëve më parë në Zvërnec, ku policia u shfaq e fjetur dhe joprofesionale, duke mos ndërhyrë në kohë për të parandaluar marrjen me forcë të qytetarit apo edhe duke mos identifikuar e arrestuar në kohë punonjësin që goditi me grusht qytetarin, që na turpëron të gjithëve. Prandaj kam kërkuar edhe ngritjen e një grupi të posaçëm hetimor për të gjitha veprimet e kryera gjatë protestës, si edhe kam urdhëruar Drejtorinë e Standardeve Profesionale që ka nisur një hetim të thelluar për të gjithë zinxhirin drejtues të DVP Vlorë. Ndërsa dy subjektet e policisë private rezultuan me shkelje”,-tha Hita./CNA

 





Lajmet e fundit nga