web counter
LEXO PA REKLAMA!

SHKARKO APP

App Store
Google Play

Ngjarja në Tiranë/ Policia jep detaje: 31-vjeçari i armatosur përplasi automjetet për t'i shpëtuar kontrollit

5 Tetor 2025, 13:27, Aktualitet CNA

Ngjarja në Tiranë/ Policia jep detaje: 31-vjeçari i armatosur

Policia e Tiranës ka reaguar lidhur me ngjarjen e raportuar pak më parë, ku një person i armatosur ka përplasur disa makina. 

Ngjarja ka ndodhur rreth orës 12:30, ku forcat "Shqiponja" i kanë bërë shenjë automjetit me drejtues shtetasin I. K., 31 vjeç, të ndalojë sepse kishin informacion se ai qarkullonte me armë zjarri.

Pas ndalimit, sapo ka mësuar se do t'i ushtrohej kontroll, 31-vjeçari ka tentuar të largohet me shpejtësi duke përplasur disa automjete dhe 1 motomjet.

Si pasojë është dëmtuar një polic dhe bashkëshortja e tij që lëviznin motomjet dhe të cilët ndodhen në spital. 31-vjeçari është arrestuar dhe në automjet iu gjet një armë zjarri pistoletë.

Njoftimi i policisë: 

Tiranë/Informacion paraprak

Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin I. K., 31 vjeç, pasi kishin marrë informacion se 31-vjeçari qarkullonte me armë zjarri.

Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.

Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë.

Infomacion më të detajuar do të jepet në përfundim të veprimeve proceduriale./CNA





Lajmet e fundit nga