web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria e Fierit shpall moskompetencë/ Dosja e Bankers i kalon SPAK-ut

4 Tetor 2025, 13:03, Aktualitet CNA

Prokuroria e Fierit shpall moskompetencë/ Dosja e Bankers i kalon SPAK-ut

Prokuroria e Fierit ka shpallur moskompetencë për dosjen e Bankers Petroleum dhe e ka dërguar atë në Prokurorinë e Posaçme.

Sipas prokurorisë gjatë hetimeve kanë rezultuar të përfshirë edhe zyrtarë të lartë dhe për këtë arsye e ka dërguar dosjen për kompetencë në SPAK.

CEO i Bankers Petroleum, kinezi  Hongping Xiao dhe ish-drejtori Leonidha Çobo, janë dy të akuzuarit për skemë mashtruese me TVSH-në dhe evazion fiskal. Çobo dyshohet edhe për pastrim parash.

Prokuroria e Fierit ka listuar më herët një sërë shkeljesh të rënda për kompaninë koncesionare ‘Bankers Petroleum’.

Nga verifikimi analitik i blerjeve rezulton se faturat e blerjes nuk paraqesin të dhëna identifikuese të mjaftueshme për mallrat e blera, apo elementët që duhet të plotësohen si në faturë apo edhe në dokumente shoqëruese, mbi bazën e të cilave të vërtetohet saktësia e deklarimeve të shoqërisë.

Gjithashtu, për periudhën 2004-2024, ‘Bankers Petroleum’ ka faturuar 100% shërbim “Stand by”, pra duke mos kryer asnjë shërbim në funksion të aktivitetit.

Në njoftimin e mëhershëm nga Prokuroria Fier, theksohej se për një periudhë 10-vjeçare, kompania koncensionare deklaronte se ka dalë me humbje, pavarësisht se vijonte tregtimin në sasi të konsiderueshme të naftës dhe karburantit.

Nga hetimet rezultonte se ‘Bankers Petroleum’ kishte kryer verpime fiskale fiktive dhe i ka shkaktuar buxhetit të shtetit një dëm prej miliona eurosh./ CNA





Lajmet e fundit nga