web counter
LEXO PA REKLAMA!

SHKARKO APP

App Store
Google Play

Votimi elektronik në 9 nëntor/ Celibashi: Zgjedhësit janë familjarizuar me fletën e votimit

3 Tetor 2025, 13:42, Aktualitet CNA
Votimi elektronik në 9 nëntor/ Celibashi: Zgjedhësit janë
Ilirjan Celibashi

Kreu i Komisionit Qendror të Zgjedhjeve, Ilirjan Celibashi, ka folur në konferencën me gazetarët edhe lidhur me zhvillimin e procesit të votimit elektronik. 

Celibashi u shpreh se votimi elektronik mund të mos aplikohet në asnjërën prej bashkive. Ai shtoi se për shkak të ngarkesës duhet fokus i shtuar te standardi teknik dhe logjistik i zgjedhjeve. 

"Kemi bërë një diskutim të brendshëm lidhur me këtë. Por e para për kohën e kemi parë jo shumë të gjetur nëse do të vendosim për zhvillimin e votimit elektronik në disa njësi zgjedhore. Por nëse do të ishte rasti i atyre që më parë është zhvilluar votimi elektronik do të bënte sens. Ndoshta për njësinë 10 në Tiranë, por edhe kjo nuk do të kishte vlerë të shtuar. Ndërkohë në bashkitë e tjera, të Beratit, Tepelenës, Vlorës, Cërrikut apo Matit zgjedhësit janë familjarizuar me fletën e votimit. Ndërkohë për shkak të ngarkesës na duhet fokusi i shtuar te standardi teknik dhe logjistik i zgjedhjeve. Me shumë mundësi nuk do ta aplikojmë, por jemi ende në diskutim të brendshëm. Po diskutojmë edhe me partitë politike", tha Celibashi./CNA





Lajmet e fundit nga